«Турэцкі акцёр» моцна закахаўся ў беларуску і паслаў ёй падарунак. Заведзена крыміналка
Жанчына расказала следчым, што не ведала пра такі спосаб махлярства.
У студзені 2025 года 52-гадовая жыхарка Віцебска пазнаёмілася ў тыктоку з мужчынам. Ён прадставіўся нібыта вядомым турэцкім акцёрам. Суразмоўца хутка стаў сыпаць кампліментамі, прызнаваўся ў шалёным каханні і ўвесь час пісаў паведамленні.
На Вялікдзень, 21 красавіка, ён паведаміў, што даслаў каханай пасылку з падарункам. Каб зацікавіць жанчыну, скідваў фота — нібыта там былі дарагія ювелірныя ўпрыгажэнні.
У той жа дзень ёй прыйшло паведамленне: каб атрымаць пасылку, трэба сплаціць тры тысячы рублёў. Жанчына адказала, што не мае такіх грошай. «Акцёр» сказаў, што сам ужо ўсё аплаціў адпраўленне, а ёй трэба толькі дааплаціць за атрыманне.
На наступны дзень жанчына пайшла ў банк, каб пералічыць грошы. Супрацоўніца банка заўважыла, што рахунак — літоўскі, пачала распытваць, што здарылася. Выслухаўшы гісторыю, жанчына выклікала міліцыю.
Падчас допыту жанчына прызналася, што шчыра верыла ў каханне «акцёра» і пра такія схемы махлярства ніколі не чула. Яе тэлефон праверылі, перапіску з махляром далучылі да матэрыялаў справы.
Заведзена крымінальная справа паводле артыкулаў пра спробу махлярства.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары