На аўкцыёне прадаюць беларускую банкноту, у якой у нумары толькі нулі
На адной з аўкцыённых пляцовак Беларусі выстаўлена на таргі банкнота ў 100.000 беларускіх рублёў узору 2000 года. Мабыць, у ёй не было б нічога экстраардынарнага, калі б не серыйны нумар: «на 0000000».
Таргі пачаліся яшчэ 21 красавіка. Па стане на 12:00 чацвярга 1 мая зроблена 34 стаўкі, цана складае 1.550 рублёў. Аўкцыён працягнецца яшчэ тры дні і завершыцца 4 мая а 23-й гадзіне, піша Blizko.by.
Банкнота ў 100.000 беларускіх рублёў была выпушчана 15 ліпеня 2005 года і знаходзілася ў абарачэнні да 1 студзеня 2017 года. У момант выхаду яе эквівалент складаў 46,5 даляра. Пасля дэнамінацыі банкнота была заменена на купюру ў 10 рублёў.
Цяперашняя аўкцыённая стаўка (1.550 рублёў, або 508 даляраў) у 11 разоў перавышае яе даляравы эквівалент у момант выхаду купюры ў зварот 20 гадоў таму.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары