Пасажыры самалёта ўпалі ў балота з алігатарамі і правялі там два дні. Як яны выжылі?
У джунглях Амазоніі ў Балівіі пацярпеў крушэнне невялікі самалёт. Пяць чалавек захраслі на два дні ў балоце, якое кішэла алігатарамі.
На борце самалёта знаходзіліся пілот, тры жанчыны і дзіця. Аварыя здарылася 30 красавіка, але толькі 2 мая людзей выратавалі, піша CNN.
Ніхто з групы сур'ёзна не пацярпеў. Гэтыя дні ў чаканні ратавальнікаў людзі харчаваліся шакаладам і маніёкавай мукой.
Самалёт накіроўваўся ў горад Трынідад, але праз тэхнічныя непаладкі вымушаны быў зрабіць аварыйную пасадку. Але не даляцеў да паляны і ўпаў у балота побач з логавам алігатараў.
Чаму ж алігатары не напалі? 27-гадовы пілот Пабла Андрэса Велардэ лічыць, што прычына ў паліве, якое вылілася з самалёта, забрудзіла ваду і сваім моцным пахам адпудзіла драпежнікаў. Наколькі яго тлумачэнне навукова абгрунтавана, складана сказаць.
Ратавальнікі не адразу знайшлі людзей з-за неспрыяльных умоў надвор'я. Па паведамленнях мясцовых СМІ, некалькі самалётаў праляцелі над выжылымі, але не змаглі іх убачыць. Пацярпелых знайшлі рыбакі.
Усе пяцёра атрымалі розныя траўмы, але нічога крытычнага. У бальніцы пакінулі толькі 37-гадовую жанчыну, з-за таго што ў рану на яе галаве трапіла інфекцыя.
-
Літоўскія кансерватары дабіваюцца абмежавання права беларусаў на набыццё нерухомасці ў Літве
-
Амерыканку, якая напісала дзіцячую кнігу пра сум пасля смерці мужа, абвінавачваюць у яго забойстве дзеля грошай
-
Рэчыва, якім забілі Навальнага, сінтэзаваў цэнтр «Сігнал». Ён жа ўдзельнічаў у атручэнні палітыка ў 2020 годзе
Каментары