Расійскім вайскоўцам забараняюць карыстацца дзяржаўным месенджарам Max, які навязваюць астатняму грамадству
Паводле паведамленняў праўрадавых расійскіх блогераў, расійскім вайскоўцам ва Украіне пасля абмежаванняў у дачыненні да Telegram параілі не карыстацца дзяржаўным месенджарам Max. Адзін з Z-каналаў са спасылкай на крыніцы сцвярджае, што ў войскі паступілі распараджэнні не ставіць гэты сэрвіс на прылады з пашыранымі магчымасцямі, піша The Moscow Times.
Інфармацыю пра забарону Max для расійскіх салдат і афіцэраў пацвердзіла таксама адна з крыніц выдання «Медыязона». Паводле яе звестак, прычына ў тым, што месенджар лічыцца недастаткова бяспечным. Пры гэтым сцвярджаецца, што неўзабаве вайскоўцам прапануюць іншую праграму сувязі, аднак пра якую менавіта платформу ідзе гаворка, не ўдакладняецца.
Пры гэтым цывільным грамадзянам месенджар Max не толькі не забараняецца, але і ўсяляк дырэктыўна навязваецца.
Раней расійскія ўлады заяўлялі пра намер узмацніць абмежаванні супраць Telegram, абвінавачваючы кампанію ў невыкананні патрабаванняў заканадаўства. Гэта выклікала крытыку з боку часткі вайсковай супольнасці, якая адзначала праблемы з сувяззю на фронце.
Беларускія дзяржаўныя СМІ пачалі заклікаць чытаць іх у расійскім месенджары Max
У Расіі загадалі перавесці ўсе дамавыя чаты ў месенджар Max
Месенджар Max стаў самым папулярным у Беларусі? Лухта, і вось чаму
Расіяне запусцілі ў Беларусі дзіўны месенджар — рэгістрацыя па нумары тэлефона, а вось выдаліцца можна толькі калі дазволяць
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч19
Каментары