Пры праходжанні памежнага кантролю на пераходзе «Беняконі» ў аднаго з пасажыраў аўтобуса, грамадзяніна Латвійскай Рэспублікі, супрацоўнікі выявілі прыладу для выпарэння курыльных вадкасцяў, якая выклікала падазрэнні ў законнасці яе перамяшчэння, паведамляе Дзяржкамітэт судовых экспертыз.
Электронную цыгарэту канфіскавалі і накіравалі ва ўпраўленне Дзяржаўнага камітэта судовых экспертыз па Гродзенскай вобласці для правядзення судовай экспертызы наркатычных сродкаў, псіхатропных рэчываў, іх аналагаў і прэкурсораў.
Судовыя эксперты ўстанавілі, што масляністая вадкасць, якая знаходзілася ўнутры картрыджа прылады для курэння, з'яўляецца небяспечным наркатычным сродкам — маслам канабісу (гашышным маслам).
Згодна з беларускімі правіламі, гашышнае масла з'яўляецца небяспечным наркатычным сродкам, што не выкарыстоўваецца ў медыцынскіх мэтах.
Мужчына патлумачыў, што набыў цыгарэту для асабістага карыстання ў адным з магазінаў Рыгі, дзе такія прылады рэалізуюцца без абмежаванняў.
Воранаўскім РАУС праводзіцца праверка.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары