Усяго патроху4141

«Па-першае, беларусы трохі ніжэйшыя». Маладая палячка наведала Беларусь і дзеліцца ўражаннямі

Дзяўчынка з Польшчы наведала Беларусь у красавіку і так натхнілася, што завяла тыкток-акаўнт, дзе расказвае пра свае ўражанні. Вось што яе зачапіла.

Фота: скрыны з тыкток-акаўнта musztarda.i.przyg

Уладальніца акаўнта musztarda.i.przyg у сярэдзіне красавіка паехала ў Беларусь на чатыры дні, адкуль прывезла багата ўражанняў.

Яе самы папулярны ролік — на 156 тысяч праглядаў — пра тое, чым беларусы адрозніваюцца ад палякаў.

«Па-першае, яны трохі ніжэйшыя, хаця і ненашмат. Мой рост 170 см, я — дзіця, але большасць дарослых кабет не вышэйшыя за мяне. Наступная рэч — тое, што ў Беларусі часцей можна сустрэць жанчын у спадніцах, у Польшчы бачу жанчын толькі ў штанах. У Беларусі таксама ёсць падлеткі ў шырокіх дзіравых штанах, але вялікая частка людзей апранаюцца вельмі элегантна», — дзялілася дзяўчынка.

Ежа ў падарожжы — асобная гісторыя. Дзяўчынка кажа, што беларускае марожанае смачнейшае за польскае: маўляў, у Беларусі проста іншыя стандарты і таму наша марожанае — натуральнае і без лішніх хімічных дадаткаў.

Не абышлося і без параўнання цэн:

«Ці ў Беларусі ўсё таннейшае? Таннейшыя тыя прадукты, якія там вырабляюцца, мясцовыя прадукты, бо не трэба іх імпартаваць, яны вырабляюцца на месцы. Таму адпадаюць выдаткі на мыты і транспарт. Адзенне, электроніку ці сыры часта ўвозяць, таму яны могуць каштаваць столькі, колькі ў Польшчы, ці нават болей».

Выглядае, што палячка — вялікая аматарка піцы, ёй яна прысвяціла ажно два ролікі. У цэнтры Гродна яна пакаштавала італьянскую піцу коштам 50 рублёў, але не была зачараваная — маўляў, няблага, але каштавалі і лепшае. Затое ёй спадабалася свежая піца з «Еўраопта» коштам 7,5 рубля — гэтая піца каштавала сваіх грошай.

Што да прыгодаў, дзяўчынка наведала заапарк у Гродне і параўнала яго з заапаркам у Варшаве. Канечне, заапарк у Гродне меншы па памерах, але і ў ім ёй было цікава.

Верагодна, недзе ў Польшчы дзяўчынка пачула думку, што ў Беларусі за гутарку па-польску адпраўляюць за краты. Гэты міф яна выкрывае, хаця і не ўсе гледачы ёй паверылі:

«Палякі, якія наведваюць Беларусь, размаўляюць па-польску ў рэстаранах, гатэлях і на вуліцы, і ніхто не робіць з гэтага праблемы. Польская мова там не забароненая».

Каментатары пакінулі пад ролікамі дзяўчынкі багата цёплых словаў пра беларусаў. Былі і скептыкі, але паважлівы тон маладой блогеркі натхніў шмат каго на пазітыўныя словы:

«Беларусь прыгожая. Калі б не палітычная сітуацыя, сам бы хацеў наведаць».

«Беларусы — самы культурна блізкі і прыязны да нас народ».

«Можам памяняць украінцаў у нас на беларусаў».

«Беларусы — цудоўныя людзі. Па працы з імі трохі сутыкаўся, яны цудоўна інтэграваліся і былі вельмі прыязныя».

«Наша Нiва» — бастыён беларушчыны

ПАДТРЫМАЦЬ

Каментары41

  • --
    13.05.2025
    царква на фота канечне... ну такая беларуская... але для яе экзотыка... але і для нас экзотыка. толькі на жаль не дзесьці ў іншай краіне, а пабудаваная тут
  • Госць
    13.05.2025
    У вас дакладна нехта з русні працуе. Гэта яны полек называюць палячкамі
  • Полька
    13.05.2025
    [Рэд. выдалена]

Цяпер чытаюць

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос22

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Усе навіны →
Усе навіны

У 29 гадоў загінуў хакейны лайнсмен Павел Казлоў1

МЗС Літвы не будзе разглядаць прапанову мясцовага дэпутата аб ануляванні акрэдытацыі офіса Ціханоўскай5

Жанчыну-пульманолага з 30-гадовым стажам адправілі ў калонію па трох палітычных артыкулах22

Верагоднай прычынай для прыезду Дэрула ў Мінск сталі здымкі для рэкламы катэджаў

«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце51

Рубіа: Трамп «траціць цярпенне» праз тое, што размовы з Пуціным не прыводзяць да завяршэння вайны16

Цэны на нерухомасць растуць шалёнымі тэмпамі10

Бабруйскі завод пачаў прадаваць трактарныя дэталі праз Wildberries2

Навукоўцы прааналізавалі 100 тысяч экзаменаў і вызначылі найлепшы час для іх здачы1

больш чытаных навін
больш лайканых навін

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос22

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос

Галоўнае
Усе навіны →

Заўвага:

 

 

 

 

Закрыць Паведаміць