У Магілёве мужчына ўдарыў міліцыянта нажом у жывот, а потым загінуў у пагоні
15 мая ў Магілёве ўчастковы выехаў на сямейна-бытавы канфлікт. У кватэры знаходзіўся агрэсіўны 61-гадовы мужчына. Калі міліцыянт прамовіў словы «выклікай нарад, калі ласка», жыхар кватэры выхапіў нож і ўдарыў міліцыянта ў жывот.
Паранены супрацоўнік паспрабаваў дагнаць нападніка, аднак той з'ехаў на аўтамабілі.
Быў абвешчаны план «Перахоп». Інспектары ДАІ знайшлі падазраванага, пачалася пагоня.
На трасе М-8 «мяжа РФ — Віцебск — Гомель — мяжа Украіны» каля вёскі Вароніна Быхаўскага раёна мужчына не справіўся з кіраваннем, выехаў на левую абочыну, дзе сутыкнуўся з іншым аўтамабілем. У выніку ДТЗ ён загінуў.
Каментары