Ноччу 24 жніўня Расія была атакаваная беспілотнікамі: яны выклікалі пажар на тэрмінале «Наватэк» у Ленінградскай вобласці, пашкодзілі трансфарматар каля Курскай АЭС, а таксама сталі прычынай збояў у працы аэрапортаў.
У Ленінградскай вобласці пасля атакі беспілотнікаў загарэўся тэрмінал кампаніі «Наватэк» у порце Усць-Луга. Паводле ўладаў рэгіёна, пажар узнік з-за падзення абломкаў дронаў, збітых раніцай 24 жніўня. Папярэдне, пацярпелых няма, а ёмістасці з палівам не закранутыя агнём.
У ноч на 24 жніўня беспілотнік таксама быў збіты каля Курскай атамнай электрастанцыі. Пры падзенні апарат здэтанаваў, што прывяло да пашкоджання трансфарматара ўласных патрэб АЭС. Пацярпелых няма, радыяцыйны фон не змяніўся.
У Самарскай вобласці ў горадзе Сызрань дроны атакавалі прамысловае прадпрыемства. Паводле мясцовых уладаў, мела месца атака на Сызранскі нафтаперапрацоўчы завод.
Усяго з вечара 23 жніўня, паводле расійскіх уладаў, над тэрыторыяй Расіі збілі больш за 150 беспілотнікаў у больш чым дзесяці рэгіёнах.
Некалькі аэрапортаў прыпынялі працу: у пецярбургскім Пулкава затрымалі больш за 60 рэйсаў, і аэрапорт амаль суткі працаваў з абмежаваннямі.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары