Міністр абароны Расіі прывёз у Мінск панно з копіямі савецкіх ордэнаў.
Расійскі міністр абароны Сяргей Белавусаў падарыў Аляксандру Лукашэнку панно з рэплікамі вышэйшых савецкіх ордэнаў часоў Другой сусветнай вайны.
У наборы 13 узнагарод: медаль «Залатая Зорка», якая ўручалася Героям Савецкага Саюза, ордэн «Перамога», ордэн Чырвонай Зоркі, ордэн Леніна, ордэн Айчыннай вайны і іншыя.
Разам з падарункам Белавусаў перадаў Лукашэнку і пасланне ад Уладзіміра Пуціна.
«Літаральна сёння ноччу я з ім размаўляў. Ён вельмі доўга называў усялякія цёплыя словы, якія я павінен вам перадаць. Але сутнасць у тым, што, вядома, у нас не проста сяброўства. Мы ўжо настолькі цесна звязаны адзін з адным, што ўжо разумеем адзін аднаго практычна без слоў», — сказаў Белавусаў.
Лукашэнка паабяцаў выставіць панно ў Палацы Незалежнасці.
Каментары
«…Браты мае, мужыкі родныя. З-пад шыбеніцы маскоўскай прыходзіць мне да вас пісаці, і, можа, раз астатні. Горка пакінуць зямельку родную і цябе, дарагі мой народзе. Грудзі застогнуць, забаліць сэрца, — но не жаль згінуць за тваю праўду… Няма ш, браткі, большага шчасця на гэтым свеце, як калі чалавек у галаве мае розум і науку… Но як дзень з ноччу не ходзіць разам, так не ідзе разам наука праўдзіва з няволяй маскоўскай. Дапокуль яна ў нас будзе, у нас нічога не будзе, не будзе праўды, багацтва і ніякай наукі, — адно намі, як скацінай, варочаць будуць не для дабра, но на пагібель нашу… Бо я табе з-пад шыбеніцы кажу, Народзе, што тагды толькі зажывеш шчасліва, калі над табою Маскаля ўжэ не будзе.
Твой слуга
Яська-гаспадар з-пад Вільні»