Як стала вядома «Нашай Ніве», Дэпартамент фінансавых расследаванняў правёў вобшукі ў офісе гандлёвай сеткі «Дабраном». Гэта другая па колькасці гандлёвых аб'ектаў рытэйлавая сетка ў Беларусі — больш за 1000 крамаў пад брэндамі «Капеечка», «Маяк» і «Дабраном».
Вобшукі ў цэнтральным офісе, па папярэдняй інфармацыі, пачаліся ўчора і працягваюцца сёння. Ці ёсць затрыманыя сярод кіраўніцтва, суразмоўцам «Нашай Нівы» пакуль невядома.
ЗАТ «Дабраном» валодае сеткай крам фарматаў «крама каля дома», «супермаркет» і «цвёрды дыскаўнтар» пад брэндамі «Капеечка», «Маяк» і «Дабраном».
Крамы сеткі ёсць у сталіцы, абласных гарадах і ва ўсіх раёнах.
Кампанія мае ўласныя лагістычныя службы, камерцыйны і аперацыйны блок, а таксама падраздзяленне ўласнай вытворчасці поўнага цыклу.
Там працуе больш за 14 тысяч чалавек.
«Дабраном» належыць «Мостра-груп», аптовай кампаніі бізнэсмена Сяргея Ткачука.
Да моманту продажу «Дабранома» ў 2018-м лічылася, што ён афіляваны з «Еўрагандлем» праз перапляценні ў кіпрскіх кампаніях-бенефіцыярах.
Нагадаем, учора ДФР прыйшоў з маскі-шоу ў офіс «Еўрагандлю».
Чытайце таксама: Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Это уже становится постоянной причиной прокола лукавой власти .