Жыхарка Закарпацця атрымала 10 гадоў турмы за згвалтаванне мужчыны венікам
Той быў настолькі п'яны, што не зразумеў, што адбылося. А ў судзе не меў прэтэнзій да гвалтаўніцы.
Закарпацкі апеляцыйны суд на мінулым тыдні вынес рашэнне па гучнай крымінальнай справе, звязанай са злачынствам, якое было здзейснена ў вёсцы Клінава Гара Вінаградаўскага раёна Закарпацкай вобласці Украіны.
Як тлумачыцца ў рашэнні суда, жудасны выпадак адбыўся ў ноч на 9 сакавіка 2020 года. Мясцовая жыхарка Ібаля Мондзіч (імя прыводзяць мясцовыя СМІ) у кампаніі двух мужчын ужывала алкаголь. З адным з іх, як вынікае з судовых матэрыялаў, яна ўжо мела крымінальную гісторыю — некалькі месяцаў да таго абое былі асуджаныя за групавое хуліганства і атрымалі па тры гады пазбаўлення волі з двухгадовым выпрабавальным тэрмінам.
Згодна з матэрыяламі крымінальнай справы, каля першай гадзіны ночы моцна п'яная Ібаля пачала канфлікт з госцем. Падчас сваркі яна нанесла яму мноства ўдараў па галаве і целе, а затым падбухторыла свайго знаёмага да гвалту.
Мужчына схапіў венік з драўлянай ручкай і некалькі разоў ударыў ахвяру па галаве і па твары. Пасля таго, як цяжкап'яны і збіты пацярпелы страціў раўнавагу і зваліўся на падлогу, жанчына зняла з яго штаны і ніжнюю бялізну, а затым прымусіла свайго саўдзельніка згвалтаваць яго. Той выканаў указанне, не сустрэўшы аніякага супраціву з боку ахвяры, якая была не ў стане правільна разумець тое, што адбываецца.
Аднак на гэтым злачынцы не спыніліся. Ібаля ўзяла венік і, выкарыстоўваючы драўляную ручку, неаднаразова пранікала ў анальную адтуліну пацярпелага. Дакладную колькасць гэтых дзеянняў падлічыць не ўдалося. У выніку мужчына атрымаў цяжкія цялесныя пашкоджанні — траўму прамой кішкі і дыфузны перытаніт, якія былі кваліфікаваныя як небяспечныя для жыцця.
Першапачатковы раённы суд у красавіку 2021 года прызнаў абаіх гвалтаўнікоў вінаватымі ў здзяйсненні групавога згвалтавання з асаблівай жорсткасцю. Жанчыну асудзілі на 8 гадоў пазбаўлення волі, прычым суд улічыў яе раскаянне, актыўнае садзейнічанне следству, цяжарнасць і адсутнасць прэтэнзій з боку пацярпелага. Таму ёй было прызначана пакаранне ніжэй за мінімальныя межы, прадугледжаныя артыкулам Крымінальнага кодэкса.
Мужчыну-саўдзельніка асудзілі да 7 гадоў і 6 месяцаў пазбаўлення волі. З улікам ранейшых судзімасцяў і неадбытага тэрміну пакаранне павялічылі да 8 гадоў.
Аднак пракурор палічыў, што прысуд жанчыне быў занадта мяккі. Ён падаў апеляцыйную скаргу. У выніку Ібаля атрымала 10 гадоў зняволення, а з улікам неадбытага тэрміну па папярэднім прысудзе — 10 гадоў і 6 месяцаў.
У Магілёве вынеслі прысуд за згвалтаванне і забойства, што здзейснілі 25 гадоў таму
Рэкет, рэйдарства, згвалтаванні, жорсткія забойствы, сілавікі на зарплаце і лаяльнасць уладаў. Расказваем пра найбуйнейшую банду Беларусі
Былы ўдзельнік вайны з Украінай згвалціў і забіў сямікласніцу ў Цвярской вобласці
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»66
Каментары