У Беларусі працягваецца дэфіцыт якаснай бульбы. Пацікавіліся, што пачым на рынках і ў крамах у суседніх Польшчы і Літве.
Беларусь засталася без бульбы
Вясна 2025 года запомнілася дэфіцытам бульбы, на які, пасля паведамленняў людзей у сацсетках і незалежных медыя, вымушаны былі адрэагаваць прапагандысты, кантралюючыя органы і Лукашэнка.
У Беларусі бульбу ў крамах прадаюць па цэнах ад 1,9 рубля за кілаграм, але якасць самай таннай бульбы будзе невысокай.
«Е-дастаўка» прадае дробную мытую бульбу па 3,99 рубля за кілаграм. Бульба сярэдніх памераў фасаваная па 5 кг прадаецца за 4,99 руб/кг. Маладая — па 6,50 руб/кг.
На рынках у залежнасці ад памеру і стану старую бульбу прадаюць па 3-4 рублі за кілаграм. Маладую па 6 рублёў.
У крамах знайсці бульбу годнай якасці дагэтуль няпроста.
Літва
Беларусы, якія жывуць у Літве, сцвярджаюць, што праблем з бульбай не назіралі, дастатковы выбар ёсць як у сеткавых крамах, так і на рынках.
Цэны на бульбу ў Літве пачынаюцца з 25 еўрацэнтаў (каля 85 капеек за кілаграм) за дробную бульбу.
Старая бульба звычайных памераў прадаецца ў краме па 65 еўрацэнтаў за кілаграм (каля 2,2 рубля).
Фасаваная — па 1,09 еўра (каля 3,7 рубля) за кг, а мытая фасаваная — па 1,19 еўра (каля 4 рублёў) за кг.
На рынках старая бульба прадаецца па 0,7—1 еўра (2,4—3,4 рубля).
Польшча
Беларусы, якія жывуць у Польшчы, таксама кажуць, што дэфіцыту бульбы ў іх не было.
Цэны на бульбу ў Польшчы пачынаюцца ад 3 злотых (каля 2,4 рубля) за кілаграм па акцыі.
Стандартная цана кілаграма бульбы ў Польшчы пачынаецца з 3,5 злотага (каля 2,8 рубля).
Мытая фасаваная бульба прадаецца па 4,5-5,5 злотага (каля 3,6-4,4 рубля) за кілаграм. Свежая — каля 6,5 злотага (каля 5,2 рубля) за кілаграм.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары