Расія страціла першае месца ў медальным заліку Алімпіяды-2014 у Сочы
Расія страціла лідарства ў медальным заліку Алімпійскіх гульняў — 2014 у Сочы пасля таго, як Федэральны суд Швейцарыі адхіліў апеляцыю біятланіста Яўгена Усцюгава, піша Championat.com.
На Алімпійскіх гульнях — 2014 у Сочы зборная Расіі заняла першае месца ў медальным заліку. У выніку дыскваліфікацыі Усцюгава зборная Расіі страціла залатыя медалі ў мужчынскай эстафеце. Такім чынам, цяпер на рахунку зборнай Расіі 10 залатых узнагарод. Расійская каманда саступіла першую пазіцыю зборнай Нарвегіі, якая заваявала ў Сочы 11 залатых медалёў.
Спартыўны арбітражны суд (CAS) прызнаў Усцюгава вінаватым у парушэнні антыдопінгавых правілаў на падставе даных маскоўскай лабараторыі. У лютым 2020 года Міжнародны саюз біятланістаў (IBU) ануляваў яго вынікі за сезон 2013/2014.
Каментары