Памёр вядомы беларускі гісторык, доктар гістарычных навук, прафесар гістарычнага факультэта БДУ Уладзімір Сідарцоў. Яму было 89 гадоў.
Уладзімір Сідарцоў нарадзіўся 9 лістапада 1935 года ў вёсцы Клімаўка Гомельскай вобласці. У 1958 годзе скончыў гістарычны факультэт БДУ, пазней вучыўся ў аспірантуры ў Ленінградзе. Абараніў кандыдацкую і доктарскую дысертацыі, прысвечаныя ўдзелу рабочага класа ў дзяржаўным кіраванні.
Большую частку жыцця працаваў на гістарычным факультэце Беларускага дзяржаўнага ўніверсітэта. У 1992 годзе стаў заснавальнікам і першым загадчыкам кафедры крыніцазнаўства на гістфаку БДУ.
У апошнія дзесяцігоддзі найбольш цікавіўся пытаннямі гістарыяграфіі, метадалогіі гісторыі, псіхагісторыі, гістарычнай інфарматыкі.
Напісаў каля 200 навуковых работ, выхаваў двух дактароў і 11 кандыдатаў навук. Аўтар і сааўтар многіх падручнікаў па гісторыі для сярэдніх школ і ВНУ.
Сярод іншага аўтар кніг «Методология исторического исследования (механизм творчества историка)» (2000), «Методология истории: количественные методы и информационные технологии» (2003), «Народ во Второй мировой и Великой Отечественной войне: синергетический взгляд на историю» (2005) і іншых.
Цяпер чытаюць
У Гомелі па палітычных крымінальных справах затрымлівалі трох адвакатаў, адзін у СІЗА1
Каментары