ЗША атрымалі спіс умоў для мірнага пагаднення ад Украіны і цяпер чакаюць яго ад Расіі
ЗША атрымалі ад Украіны спіс умоваў для мірнага пагаднення, і цяпер чакаюць аналагічнага дакумента ад Расіі. Пра гэта паведаміў спецыяльны прадстаўнік прэзідэнта ЗША па пытаннях Украіны Кіт Келаг у эфіры канала Fox News.
Паводле слоў Кіта Келага, падчас нядаўняй размовы Дональда Трампа з Уладзімірам Пуціным расійскі бок паведаміў, што рыхтуе так званы мемарандум.
Келаг растлумачыў, што ЗША ўжо маюць украінскія прапановы, а пасля атрымання расійскага варыянта абодва дакументы будуць зведзеныя разам. Пасля бакі паспрабуюць знайсці агульныя пункты, каб стварыць адзіны праект і правесці наступную сустрэчу.
Ён таксама паведаміў, што ЗША хацелі арганізаваць новы раўнд перамоў у Ватыкане, але Масква адмовілася ад гэтай ідэі.
Нагадаем, што 16 мая ў Стамбуле прайшлі трохбаковыя перамовы паміж Украінай, ЗША і Турцыяй, а таксама сустрэча дэлегацый Украіны і Расіі пры ўдзеле Турцыі — упершыню з 2022 года.
Міністр замежных спраў Украіны Андрэй Сібіга адзначыў, што Ватыкан усё яшчэ разглядаецца як магчымая пляцоўка для перамоў, хоць кіраўнік МЗС Расіі Сяргей Лаўроў назваў яе «неэлегантнай».
Трамп можа ўвесці санкцыі супраць Масквы або выйсці з перамоў па Украіне — WSJ
Трамп паведаміў пра завяршэнне расійска-ўкраінскага абмену палоннымі яшчэ да яго пачатку
Наступны раўнд перамоваў паміж Украінай і Расіяй пройдзе ў сярэдзіне чэрвеня
«Застой Байдэна душыў Украіну». Што ЗША робяць інакш пры Трампе і чаму ў Кіеве з'явілася надзея
Рубіа: Трамп не пайшоў ні на якія саступкі Пуціну
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары
Так пакажыце гэты спіс свету, аб якіх умовах ідзе гаворка.