Прэзідэнт ЗША выказаў думку, што Украіна сама справакавала расійскія ўдары, ажыццявіўшы спецаперацыю «Павуцінне». Пра гэта Дональд Трамп заявіў падчас размовы з журналістамі на борце Air Force One.
Адказваючы на пытанне журналіста пра тое, ці змяніла спецаперацыя «Павуцінне», у ходзе якой былі пашкоджаныя некалькі расійскіх самалётаў на аэрадромах, яго меркаванне пра тое, якія козыры мае прэзідэнт Украіны Уладзімір Зяленскі, Трамп заявіў, што гэта дало падставу Уладзіміру Пуціну бамбіць украінскія гарады.
«Ну, яны далі Пуціну прычыну пайсці і ўчыніць ім пякельнае бамбаванне мінулай ноччу. Вось што мне ў гэтым не спадабалася. Калі я гэта ўбачыў, сказаў: «Вось і ўсё. Цяпер будзе ўдар», — сказаў Трамп.
Цяпер чытаюць
Палітвязень расказаў, як звычайныя крымінальнікі аб’явілі галадоўку, каб палепшыць умовы ўтрымання палітычных3
Каментары