«Хоць адзін з вас верыць, што Масква рыхтуецца да нападу на НАТА? Што гэта такое?» — сказаў прэзідэнт Расіі ў размове з расійскімі журналістамі.
«Вы ведаеце, што краіны НАТА цяпер трацяць на ўзбраенне 1 400 мільярдаў даляраў? Гэта больш, чым усе краіны свету разам узятыя, уключаючы і Расію, і Кітайскую Народную Рэспубліку. І насельніцтва там, у краінах НАТА, — колькі там? — звыш 300 мільёнаў, 340 мільёнаў. У Расіі, як вядома, 145, пад 150 цяпер. І трацім мы несувымерныя грошы, проста несувымерныя грошы на ўзбраенне. І мы збіраемся нападаць на НАТА, так? Ну што гэта за трызненне?» — сказаў Пуцін.
Прэзідэнт Расіі дадаў, што еўрапейскія кіраўнікі нібыта падманваюць сваё насельніцтва для таго, каб забяспечыць выбіванне грошай з бюджэтаў — пяць працэнтаў — тры з паловай плюс паўтара — і тлумачаць гэтым правалы ў эканоміцы і ў сацыяльнай сферы.
«Ну, вядома, ФРГ — вядучая эканоміка Еўрасаюза, балансуе на мяжы рэцэсіі. Навошта, дарэчы кажучы, я дагэтуль гэтага не магу зразумець, чаму Федэратыўная Рэспубліка адмовілася ад выкарыстання расійскіх энерганосьбітаў. Праз Украіну мы пастаўлялі ў іншыя краіны Еўропы, Украіна атрымлівала транзітныя грошы ад нас — па 400 мільёнаў штогод, а Германія чамусьці адмовілася атрымліваць расійскі газ. Чаму? Не, рацыянальнага тлумачэння проста не існуе. Навошта? Volkswagen гіне, Porsche гіне, шкляная прамысловасць гіне, сфера ўгнаенняў гіне. Дзеля чаго? Назло кандуктару куплю білет і не паеду. Так, ці што? Якаясь лухта», — рэзюмаваў Пуцін.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары