Сафія Вясна, мастачка і актрыса, нарадзілася ў Беларусі, вырасла ў Японіі, а цяпер жыве ў Францыі. Адным з яе захапленняў стала стварэнне малюнкаў з плям кавы, што нядаўна прыцягнула ўвагу прэсы ў Нармандыі, піша «Беларусь и мир».
Сафія наносіць каву на паперу кроплямі, пырскаючы з пэндзліка, а калі плямы высыхаюць, то дапаўняе кляксы тонкай асадкай, ператвараючы іх у фігуры людзей, жывёл, раслін або фантастычных істот. Увесь працэс яна паказвае ў жывым эфіры ў TikTok і Twitch, размаўляючы з гледачамі на розных мовах і выкарыстоўваючы іх прапановы для трансфармацыі плям.
Сваё мастацтва Сафія называе «эспрэса» — слова, якое і азначае від кавы, і перакладаецца з італьянскай як «выразны, дакладны».
Гатовыя работы яна прадае праз уласны сайт, афармляючы іх у рамкі з бука пад аргшклом. Кошт адной кавы-карціны — ад 120 еўра, у залежнасці ад фармату.
Нядаўна яе працы экспанаваліся ў Бернэ (Нармандыя) у кавярні La Brulerie de Bernay, дзе мастачка і набывае гватэмальскую каву для сваёй творчасці.
Сафія Вясна нарадзілася ў 1995 годзе ў Мінску, з 6 да 19 гадоў жыла ў Токіа, потым пераехала ў Парыж, а цяпер жыве ў Нармандыі. Маляванню навучалася самастойна, натхняючыся ілюстрацыямі Івана Білібіна, дыснееўскай анімацыяй, японскімі гравюрамі ўкіё-э, мультфільмамі студыі Ghibli, творамі Эдварда Хопера і Сальвадора Далі. Яна працуе графітным алоўкам і той жа капілярнай асадкай-лінерам.
Акрамя мастацтва, Сафія з 6 гадоў займаецца мадэльнай і акцёрскай дзейнасцю. Вучылася музычнаму тэатру ў Лондане, а драматычнаму мастацтву — у парыжскай школе Cours Florent.
У 2022 годзе знялася ў серыяле The New Look пра Крысціяна Дзіора і Како Шанэль, а ў 2023 — у кароткаметражным фільме Kreskine пра знакамітага менталіста Джорджа Крэскіне. Яна валодае рускай, японскай, французскай і англійскай мовамі.
«Мама плакала тры дні, а тата не размаўляў год». Казашка выйшла замуж за беларуса — і сутыкнулася з хэйтам
У Францыі падчас музычнага фестывалю 145 чалавек укалолі шпрыцамі
Беларуска стала ў Іспаніі буктокеркай і напісала раман пра «Формулу-1»
Мегапапулярны нямецкі блогер аб'ездзіў усю Еўропу і вызначыў свае самыя любімыя і нелюбімыя краіны
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары