У пятніцу моцныя снегапады ў аўстрыйскіх Альпах выклікалі сход лавін, у выніку якіх загінулі не менш за пяць чалавек. Пра гэта паведамілі мясцовыя ўлады, піша Бі-бі-сі.
Сярод загінулых — 42‑гадовы грамадзянін Германіі, якога лавіна накрыла разам з 16‑гадовым сынам. Падлетка ўдалося выратаваць і даставіць у бальніцу. Падзея адбылася ў раёне грамады Наўдэрс каля мяжы са Швейцарыяй і Італіяй.
Побач з папулярным гарналыжным курортам Санкт-Антон загінулі тры лыжнікі. Яшчэ адзін выпадак смерці зафіксаваны ў федэральнай зямлі Форарльберг — там пад лавінай загінуў сноўбардыст.
Па словах паліцыі, лавіна каля Санкт-Антона, верагодна, была выклікана дзеяннямі саміх лыжнікаў. Паведамляецца, што сярод іх былі грамадзяне ЗША, Польшчы і Аўстрыі; адзін з аўстрыйцаў памёр у бальніцы.
Двух іншых мужчын з цяжкімі траўмамі ўдалося выратаваць. У выратавальнай аперацыі ўдзельнічалі чатыры горнавыратавальныя каманды, тры верталёты і іншыя экстранныя службы.
Акрамя таго, у горадзе Лінц 53‑гадовы мужчына загінуў у выніку іншага інцыдэнту, звязанага са снегападам: яго прыціснула снегаачышчальная машына, якая паслізнулася на лесвіцы, на якой ён прыбіраў снег.
Снегапады таксама выклікалі перабоі з электразабеспячэннем і транспартны калапс у некаторых рэгіёнах краіны. У асобных раёнах дарогі сталі амаль непраходнымі, а ў Вене часова закрывалі міжнародны аэрапорт. У цэлым з пачатку зімы ў Аўстрыі з-за лавін загінулі ўжо больш за 20 чалавек.
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары