На беларускай мяжы затрымалі груз гашышу, замаскаванага пад грушавае пюрэ
Беларускія мытнікі спынілі спробу ўвезці з Еўропы ў Беларусь буйную партыю гашышу — каля 100 кілаграмаў. Наркотыкі былі схаваныя ў грузавіку з фіктыўным грузам «канцэнтраванае грушавое пюрэ» з этыкеткай Coca-Cola.
Як паведамляе Дзяржаўны мытны камітэт, наркотыкі былі расфасаваныя ў 180 вакуумных пакетаў і схаваныя ў патаемнай частцы падлогі аўтамабіля, які належыць літоўскаму перавозчыку. Злачынную схему арганізавалі грамадзяне Літвы і Беларусі, якія дзейнічалі па папярэдняй змове.
Падазроны груз выявілі гродзенскія мытнікі ў пункце пропуску «Каменны Лог» з дапамогай інспекцыйна-дагляднага комплексу. Пасля праверкі з дапамогай сканера было ўстаноўлена, што ў машыне, акрамя пюрэ, знаходзіцца яшчэ нешта.
Экспертыза пацвердзіла: знойдзенае рэчыва — гашыш.
Ужо ўстаноўленыя асобы двух літоўцаў — арганізатараў злачыннай групы. Таксама затрыманыя некалькі беларусаў, якія цяпер знаходзяцца пад вартай.
Гродзенская рэгіянальная мытня распачала крымінальную справу па артыкуле 328-1, ч. 2 Крымінальнага кодэкса Беларусі. Пакаранне за такое злачынства — да 10 гадоў пазбаўлення волі.
У Мінску затрымалі замежнага хіп-хоп выканаўцу, які быў і наркагандляром
Мужчына спрабаваў правезці гашыш у цягніку. Яго ўнюхаў службовы сабака
Латвійца затрымалі на мяжы з гашышным маслам
Французскі турыст завозіў у Беларусь гашыш у шкарпэтцы
Мужчына ўвозіў у Беларусь жуйкі з гашышам. Клянецца, што атрымаў іх замест рэшты
Цяпер чытаюць
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі2
Каментары