У Рэспубліканскай дзіцячай бальніцы медыцынскай рэабілітацыі Андрэй Скавінскі працуе садоўнікам і рабочым комплекснага абслугоўвання.
Аднак для супрацоўнікаў і маленькіх пацыентаў ён — сапраўдны майстар, які напаўняе бальнічныя калідоры святлом. Яго аўтарская галерэя ва ўстанове пастаянна папаўняецца новымі працамі, паведамляе тэлеграм-канал «Мінскі раён».
У бальніцы ўжо ёсць каля 25 карцін у рамах, падораных мастаком, не лічачы роспісаў непасрэдна на сценах.
«Каб ствараць вялікія палотны без лішніх выдаткаў, я распрацаваў уласную даступную тэхніку: спачатку наношу акварэльны тон, затым выкарыстоўваю пастэль для глыбіні і ценяў, а напрыканцы дэталёва прапрацоўваю малюнак алоўкам і белай фарбай», — расказвае Андрэй.
Сюжэты майстар выбірае разам з галоўнай лекаркай Жаннай Церашчанкай, ствараючы тое, што надае сілы і выклікае ўсмешку.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары