Беларуская скрыпачка дасць у Лондане першы канцэрт, цалкам прысвечаны сучаснай беларускай акадэмічнай музыцы
Беларуская скрыпачка Ева Волкава, лаўрэатка міжнародных конкурсаў і стыпендыятка Каралеўскага каледжа музыкі ў Лондане, дзе яна вучыцца ў магістратуры, 23 жніўня дасць свой першы канцэрт у Вялікабрытаніі, поўнасцю прысвечаны сучаснай акадэмічнай беларускай музыцы.
Сольная кар’ера Евы пачалася ў 11 гадоў з дэбюту з Дзяржаўным сімфанічным аркестрам Беларусі. З таго часу яна выступала на сцэнах Carnegie Hall у Нью-Ёрку, Suntory Hall у Токіа, Barbican Hall і Bechstein Hall у Лондане, а таксама ў Музеі музыкі ў Венецыі.
У лонданскай царкве St. James Piccadilly у 13 гадзін 23 жніўня яна разам з піяністкай Раксанай Шыні-Мехрабзадэ выканае творы беларускіх кампазітараў, сярод якіх Галіна Гарэлава, Вольга Падгайская і Ларыса Сімаковіч.
Канцэрт будзе суправаджацца кароткімі лекцыямі пра беларускую культуру і музычныя традыцыі.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам42
Каментары