Прэзідэнт ЗША Дональд Трамп мае намер дамагацца выселення бяздомных жыхароў Вашынгтона.
«Я збіраюся зрабіць нашу сталіцу больш бяспечнай і прыгожай, чым калі-небудзь раней. Бяздомныя павінны неадкладна пакінуць цэнтр горада. Мы дамо вам месцы для пражывання, але далёка ад сталіцы. А злачынцы — вам няма куды ісці. Мы пасадзім вас у турму, дзе вам і месца. Усё адбудзецца вельмі хутка, так жа, як на мяжы», — напісаў Трамп у сацыяльнай сетцы Truth Social.
Дэталі свайго плана, які прадугледжвае не толькі барацьбу са злачыннасцю, але і «добраўпарадкаванне» Вашынгтона, Трамп мае намер прадставіць на прэс-канферэнцыі ў панядзелак.
«…Паказчыкі злачыннасці толькі пагаршаюцца, горад становіцца брудным і менш прывабным… Да з’яўлення намётаў, жабрацтва, бруду і злачыннасці сталіца была самым прыгожым горадам у свеце. Хутка яна зноў такой стане», — напісаў Трамп у асобным допісе.
Каментары