Парушальнікам закона на канцэрце Каржа ў Варшаве можа пагражаць дэпартацыя
Тыя, хто парушыў закон на канцэрце Макса Каржа ў Варшаве 9 жніўня, будуць пакараныя. Ім таксама можа пагражаць дэпартацыя з Польшчы, паведаміў міністр унутраных спраў і адміністрацыі Марцін Кервіньскі, піша «Белсат».
«Усе, хто парушыў закон падчас гэтага канцэрту, будуць пакараныя. Калі гэтыя асобы парушылі закон такім чынам, што няма гарантыі, што яны зноў не парушаць закон у Польшчы, мы абавязкова прымем захады для вяртанні гэтых людзей у краіну паходжання», — заявіў міністр.
Паводле яго, «паліцыя будзе дзейнічаць рашуча і жорстка». Міністр таксама сказаў, што расследуецца справа «трох сцягоў, што носяць прыкметы таталітарных», якія фанаты прынеслі на канцэрт. Зараз праваахоўнікі займаюцца высвятленнем асобаў гэтых людзей.
Паводле польскай паліцыі, на канцэрце Макса Каржа, які прайшоў 9 жніўня, 109 чалавек затрымалі за правапарушэнні і злачынствы, у тым ліку за захоўванне наркотыкаў, парушэнне недатыкальнасці цела работнікаў аховы, пранос піратэхнічных сродкаў і пранікненне на тэрыторыю масавай імпрэзы. Паліцыянты аштрафавалі 50 чалавек на агульную суму 11 450 злотых. У суд былі накіраваныя 38 хадайніцтваў аб пакаранні. Колькі сярод затрыманых і пакараных грамадзянаў Беларусі, не ўдакладняюць.
На шматлікіх відэа з канцэрту было відаць, як фанаты Каржа прарываліся з трыбунаў на поле — у фан-зону. Работнікі аховы спрабавалі іх спыніць, але фанаты ўцякалі і вырываліся. На адным з відэа было бачна, што ахоўніка павалілі на зямлю. Праз паводзіны фанатаў канцэрт пагражалі скасаваць, пачатак затрымалі на паўтары гадзіны.
У польскіх медыях і сацсетках шмат абмяркоўваюць паводзіны фанатаў беларускага спевака. Кажуць, такога на канцэртах на Нацыянальным стадыёне яшчэ не было. Асобную хвалю крытыкі выклікаў чорна-чырвоны сцяг украінскіх нацыяналістаў, які ў Польшчы асацыююць найперш з Украінскай паўстанцкай арміяй і Валынскай трагедыяй падчас Другой сусветнай вайны.
На канцэрце Каржа варшаўская паліцыя затрымала 109 чалавек. І правярае лозунгі, якія гучалі на стадыёне
Арганізатары канцэрта Каржа прыслалі экс-палітзняволенай запрашальныя квіткі
«Усходні гігант», а сцэны на канцэрце — «вартыя Дантэ». Як уплывовае польскае выданне расказала пра Макса Каржа палякам
«Наколькі наша бурбалка з пагардай ставіцца да звычайных беларусаў». У фэйсбуку спрачаюцца пра Макса Каржа
«Цімберлэйк, схадзі пакуры!» Хто з вядомых беларусаў прыйшоў на канцэрт Каржа
Жыхары Варшавы абураныя паводзінамі фанатаў Макса Каржа напярэдадні канцэрта
«Не вайне!» Як Макс Корж разрываў Варшаву і пра што казаў на сваім канцэрце? РЭПАРТАЖ
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары
ты начальнік , я дурак , я начальнік - ты дукак