Паводле інфармацыі Нацыянальных узброеных сіл Латвіі, у паветраную прастору Латвіі з боку Расіі ўвайшоў і ўзарваўся дрон. Магчыма, ён быў украінскім, піша Dеlfi.
Паводле звестак Нацыянальных узброеных сіл Латвіі, неапазнаны аб'ект быў зафіксаваны радарамі ў 02:19 ночы. На перахоп адправілася група супрацьпаветранай абароны. Праз некаторы час сістэмы ранняга папярэджання зафіксавалі гук выбуху ў раёне Краслаўскага края — прыкладна ў 13 кіламетрах ад мяжы.
Абышлося без ахвяр і пашкоджанняў інфраструктуры.
Прэм'ер-міністр Латвіі Эвіка Сіліня ў эфіры тэлеканала TV3 паведаміла, што, паводле папярэдніх ацэнак, беспілотнік мог быць украінскім.
«Мы знаходзімся ля мяжы і адчуваем гэта. Падобныя інцыдэнты адбыліся ў Літве і Эстоніі. У Эстоніі дрон нават закрануў інфраструктуру, але там таксама ніхто не пацярпеў», — адзначыла Сіліня.
Кіраўніца ўрада падкрэсліла, што латвійскія сістэмы абароны спрацавалі належным чынам і своечасова выявілі пагрозу.
Міністр абароны Латвіі ў момант інцыдэнту знаходзіўся ў Кіеве, ён тэрмінова вяртаецца ў Рыгу.
23 сакавіка беспілотнік таксама заляцеў у Літву, верагодна, з тэрыторыі Беларусі, і выбухнуў за 20 км ад мяжы. Літоўскія радары яго не зафіксавалі.
У Міністэрстве абароны Літвы выказалі здагадку, што гэта быў украінскі беспілотнік з ліку тых, што ляцелі для атакі цэляў на тэрыторыі Расійскай Федэрацыі і адхіліліся ад свайго курсу пад уздзеяннем сродкаў радыёэлектроннай барацьбы.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы31
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары