«Vajenny cisk nie viartaje zakładnikaŭ dadomu, jon ich zabivaje». U Izraili masavyja pratesty suprać płanaŭ akupavać Hazu
Premjer-ministr Bińjamin Nietańjachu asudziŭ pratestoŭcaŭ, a palicyja pravodzić aryšty.
Akcyi arhanizavanyja «Savietam kastryčnika» i Forumam siemjaŭ zakładnikaŭ i źnikłych bieź viestak, kudy ŭvachodziać svajaki vykradzienych i zahinułych paśla napadu CHAMAS 7 kastryčnika 2023 hoda, piša vydańnie The Insider.
Demanstranty błakujuć darohi, spyniajuć ruch ciahnikoŭ, u Ijerusalimie i Tel-Avivie zakrytyja mnohija pradpryjemstvy. Udzielniki razdajuć žoŭtyja stužki jak simvał salidarnaści z zakładnikami. Forum paviedamiŭ, što praz «Płošču zakładnikaŭ» u Tel-Avivie moža prajści kala miljona čałaviek, a jašče dziasiatki tysiač vyjduć na vulicy ŭ sotniach haradoŭ krainy.
Pa stanie na viečar stała viadoma pra 38 aryštavanych pa ŭsioj krainie, piša Ynet.
Byłaja zakładnica Arbiel Jehud vystupiła razam ź inšymi vyzvalenymi pałonnymi — Jardenam Bibasam, čyja žonka i dvoje dziaciej byli zabityja ŭ pałonie, i siamjoj pałonnaha Davida Kunia.
«Ja viedaju nie pa čutkach, što značyć być u pałonie, — skazała Jehud. — Vajenny cisk nie viartaje zakładnikaŭ dadomu, jon ich zabivaje. Adziny šlach — heta adna, usieachopnaja ździełka, biez hulniaŭ. My pavinny znoŭ i znoŭ spyniać zvyčajnaje žyćcio, pakul usie nie viernucca».
Premjer-ministr Bińjamin Nietańjachu asudziŭ pratestoŭcaŭ:
«Tyja, chto siońnia zaklikaje zaviaršyć vajnu, nie damohšysia parazy CHAMAS, nie tolki ŭzmacniajuć jaho pazicyi i adkładajuć viartańnie našych zakładnikaŭ, ale i adkryvajuć šlach da paŭtareńnia žachaŭ kastryčnika i viaduć nas da biaskoncaj vajny».
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy11
Kamientary
Tamu spadar Nietańjachu maje racyju. Ale zastajecca, jak i z našym kalektyŭnym (nie) razumieńniem vorahu, chiba što tolki pažadać pośpiechaŭ habrejam. U hetaj biaskoncaj spravie. Bo z hetkim padychodam kanca joj sapraŭdy nikoli nia budzie.