Старшыня КНР Сі Цзіньпін праводзіць самую буйную «чыстку» вайсковага кіраўніцтва краіны з часоў Мао Цзэдуна. Паводле інфармацыі агенцтва Bloomberg, амаль 18% высокапастаўленых афіцэраў Народна-вызваленчай арміі Кітая (НВАК), прызначаных раней Сі, зніклі з публічнай прасторы, аказаліся пад следствам або былі арыштаваныя.
З пачаткам трэцяга тэрміну Сі Цзіньпіна ў 2023 годзе пачаліся масавыя кадравыя перастаноўкі ў НВАК, маштабы якіх некаторыя аналітыкі параўноўваюць з «культурнай рэвалюцыяй».
Адзін з апошніх фігурантаў — генерал-палкоўнік Хэ Вэйдун, другі па рангу афіцэр НВАК і намеснік старшыні Цэнтральнай вайсковай рады (ЦВР). Ягоная нечаканая адсутнасць на штогадовай афіцыйнай цырымоніі саджання дрэў у красавіку стала сігналам няміласці. Раней Хэ камандаваў Усходнім тэатрам ваенных дзеянняў, адказным за магчымую аперацыю супраць Тайваня, і лічыўся асабіста блізкім да Сі.
Па меркаванні Bloomberg, Хэ стаў самым высокапастаўленым вайсковым камандзірам, адстаўленым з часоў смерці Мао ў 1976 годзе. Агентства прааналізавала тэлевізійныя рэпартажы, дзяржаўныя выданні і іншыя публічныя дакументы і высветліла, што за трэці тэрмін Сі 14 з 79 генералаў ЦВС зніклі або апынуліся пад следствам. Для параўнання: за 20 гадоў у папярэднікаў Сі такіх выпадкаў не было. У ЦВР цяпер засталося толькі чатыры пастаянныя члены з сямі — гэта мінімум з часоў масавых рэпрэсій Мао.
Аналітыкі адзначаюць, што адстаўка ключавых военачальнікаў можа паўплываць на планы Кітая адносна Тайваня і выклікае пытанні пра гатоўнасць кітайскіх узброеных сіл. Старшы навуковы супрацоўнік Цэнтра вывучэння ўзброеных сіл Кітая пры Нацыянальным універсітэце абароны ЗША Джоэл Уатнау лічыць, што непразрыстасць сістэмы кіраўніцтва арміі можа хаваць дэфекты і неэфектыўнасць узбраенняў, якія могуць праявіцца толькі падчас баявых дзеянняў.
Кітай паабяцаў Трампу не нападаць на Тайвань, пакуль ён пры ўладзе
У ЕС і ЗША паўтара года на падрыхтоўку да вайны з Кітаем і Расіяй — галоўнакамандуючы аб'яднанымі сіламі НАТА ў Еўропе
Сірэны і эвакуацыя: на Тайвані трэніруюцца ў выпадку ўварвання Кітая
Рутэ: Кітай можа справакаваць Расію да нападу на НАТА
На абедзе Лукашэнкі і Сі Цзіньпіна прысутнічала і адзіная дачка кітайскага лідара
Цяпер чытаюць
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў51
Каментары
И нового министра обороны США назначили из отставных майоров выпивох!
Интересно, кто быстрее развалит армии Си или Трамп ?