У Кеніі ўзнік шырокі скандал пасля таго, як іспанскі турыст выклаў у інстаграм відэа, на якім ён залівае піва слану проста ў хобат. Відэа было знята ў прыродным запаведніку Ol Jogi Conservancy у цэнтральнай акрузе Лайкіпія. На кадрах мужчына спачатку п’е з бляшанкі півa Tusker сам, а потым дае рэшту слану, піша Бі-бі-сі.
Публікацыя выклікала шквал абурэння ў сацсетках, пасля чаго турыст выдаліў відэа. Пра інцыдэнт даведалася служба аховы дзікай прыроды Кеніі, пасля чаго прадстаўнік запаведніка паведаміў, што відэа перададуць «адпаведным органам». Міністэрства турызму і аховы дзікай прыроды таксама пачало расследаванне.
Слон, якому далі піва, — вялікі самец з доўгімі іклападобнымі біўнямі, адзін з якіх пашкоджаны, што дазваляе яго ідэнтыфікаваць. Гэта Бупа, які быў выратаваны падчас масавага адстрэлу сланоў у Зімбабвэ ў 1989 годзе і дастаўлены ў запаведнік у восем гадоў. Ol Jogi з’яўляецца домам для прыкладна 500 сланоў, тут займаюцца рэабілітацыяй асірацелых жывёл і вяртаннем іх у дзікую прыроду.
Турыст, вядомы пад нікам Skydive_Kenya, раней выклаў відэа, як ён корміць морквай сланоў і насарогаў у іншых запаведніках, таксама парушаючы правілы — турыстам забаронена дакранацца да дзікіх жывёл. Біёлагі і абаронцы жывёл, у тым ліку доктарка Віні Кіру, назвалі яго паводзіны «прыкрымі» і небяспечнымі, бо яны ставяць пад пагрозу жыццё як чалавека, так і жывёл.
Гэты інцыдэнт адбыўся менш чым праз тыдзень пасля таго, як іншыя турысты выклікалі абурэнне, блакуючы міграцыю антылоп гну ў рэгіёне Масай-Мара, што засведчыла неабходнасць больш строгіх правілаў для турыстаў. Міністэрства турызму і аховы дзікай прыроды Кеніі абяцала ўзмацніць кантроль у парках, палепшыць інфармацыйныя знакі і праводзіць больш адукацыйнай працы, скіраванай на пашырэнне ведаў пра бяспеку і правілы паводзін у дзікай прыродзе.
Мільянер, які гадамі забіваў дзікіх жывёл, загінуў на паляванні: яго працяў рагамі буйвал
Дацкі заапарк заклікаў здаваць непатрэбных хатніх жывёл на корм драпежнікам
Навукоўцы знайшлі жудасную прычыну, чаму людзі ўпершыню завялі хатніх катоў
Французскія чыноўнікі патрабавалі ўсыпіць дзіка, які жыве на ферме. За яго заступіліся тысячы чалавек, у тым ліку Брыжыт Бардо
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары