Ілля Чарапко-Самахвалаў, які пакідае «Пятлю прыхільнасці», усё ж прыме ўдзел у восеньскім туры
Саліст гурта «Пятля прыхільнасці» Ілля Чарапко-Самахвалаў паведаміў у інстаграме, што ўсё ж выйдзе на сцэну ў межах восеньскага туру. Ён дадаў, што гэта будзе яго апошні выступ у складзе гурта.
«Увесь дзень прайшоў у перамовах, па выніках — апошні восеньскі тур ПП адбудзецца. Інакш на мяне павесяць няўстойку, а я столькі не зарабляю. Так што, так, я адыграю для вас апошні раз у складзе гэтага гурта. Вельмі спадзяюся, што ў гэтым туры маёй бяспецы ўсё ж такі нададуць належную ўвагу», — напісаў музыкант.
Днём 6 верасня Ілля абвясціў пра тое, што пакідае «Пятлю прыхільнасці».
«Паведамляю ўсім, хто сочыць за маёй творчасцю. Я сыходжу з гурта «Пятля Прыхільнасці». Асноўнай прычынай з'явiлася жаданне рухацца далей і перайсці на наступны ўзровень.
Ужо некалькі месяцаў я працую над уласным праектам і збіраюся прысвяціць яму ўвесь свой час.
Як нядаўна сказаў мой сябар Міцёк: «Новае, новае і новае. Таму што ўвесь час жыць у чымсьці даўно перажаваным становіцца не вельмі весела і не вельмі цікава. Не абавязкова нават перажаваным, можа ўжо і ператраўленым», — напісаў Ілля.
Ён таксама дадаў, што восеньскі тур гурта пройдзе без яго.
Ілля Чарапко-Самахвалаў быў у «Пятлі прыхільнасці» з моманту заснавання ў 2004 годзе.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі1
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары