Рыжанкоў пра візіт Сіярта ў Мінск: У Еўропе ёсць сілы, якія аб’ектыўна ацэньваюць абстаноўку
Візіт у Мінск міністра замежных спраў і замежнага гандлю Венгрыі Петэра Сіярта дэманструе, што ў Еўропе ёсць сілы і лідары, якія аб’ектыўна ацэньваюць абстаноўку. Пра гэта заявіў журналістам міністр замежных спраў Беларусі Максім Рыжанкоў, піша БелТА.
«Візіт міністра замежных спраў і знешняга гандлю Венгрыі ў Беларусь чарговы раз дэманструе, што ў Еўропе ёсць сілы і, галоўнае, лідары, якія аб’ектыўна ацэньваюць абстаноўку і разумеюць, што, знаходзячыся на высокай дзяржаўнай пасадзе, варта дзейнічаць у інтарэсах выключна сваёй дзяржавы і свайго народа. Шляхам канфрантацыі, ціску, эскалацыі напружанасці нельга прыйсці да нечага добрага», — падкрэсліў кіраўнік МЗС Беларусі.
Максім Рыжанкоў адзначыў, што паміж бакамі склалася добрая традыцыя рэгулярных сустрэч, а спектр тэм, якія на іх абмяркоўваюцца, пастаянна пашыраецца і цяпер уключае не толькі двухбаковы парадак дня, але і ўвогуле сітуацыю ў рэгіёне і ўзаемаадносіны краін, у тым ліку пытанні бяспекі.
Максім Рыжанкоў падзякаваў венгерскаму калегу за цвёрдую пазіцыю, якая датычыцца сітуацыі ў рэгіёне.
«Вы сапраўды падтрымліваеце рэальныя праекты, рэальнае ўмацаванне ўзаемаадносін паміж краінамі нашага рэгіёна, — сказаў ён. — Вы выступаеце за мірнае ўзаемадзеянне і ўстанаўленне больш выгадных узаемаадносін не толькі з вашай краінай, але і з Еўрапейскім саюзам у цэлым. Мы заўсёды рады бачыць венгерскіх партнёраў у сценах МЗС і ў Беларусі. Мы гатовыя абмяркоўваць нават самыя адчувальныя пытанні, розныя пункты гледжання».
Міністр адзначыў блізкасць пазіцый Беларусі і Венгрыі ў разуменні сітуацыі. Паводле яго слоў, ёсць шмат кропак судакранання, шмат напрамкаў для развіцця і ўмацавання ўзаемавыгаднага супрацоўніцтва
«Мы бачым, што Венгрыя дзейнічае ў першую чаргу, зыходзячы са сваіх нацыянальных інтарэсаў, што не заўсёды характэрна для іншых краін Еўрасаюза», — заўважыў ён.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары