Трамп паставіў новыя ўмовы для ўвядзення «маштабных» санкцый супраць Расіі
Краіны NATO павінны самі ўвесці такія абмежаванні, а таксама мыты ў дачыненні да Кітая і спыніць закупляць расійскую нафту. Трамп пры гэтым замаўчаў, што нафту ў Расіі працягваюць закупляць толькі ідэалагічна блізкія яму Венгрыя і Славакія.
Пра гэта прэзідэнт ЗША паведаміў у лісце, адпраўленым «усім краінам NATO і свету».
З ягоных слоў, тое, што краіны, якія ўваходзяць у альянс, прадаўжаюць закупляць нафту ў Расеі «моцна аслабляе вашу перамоўную пазіцыю і рычагі ціску на Расею».
Таксама «акажа вялікую дапамогу ў спыненні гэтай смяротнай, але абсурднай вайны» ўвядзенне краінамі НАТА пошлін» ад 50% да 100% на Кітай, якія будуць цалкам знятыя пасля заканчэння вайны паміж Расіяй і Украінай», лічыць Дональд Трамп.
«Я гатовы дзейнічаць, калі вы будзеце гатовыя. Проста скажыце, калі. Калі NATO зробіць так, як я кажу, вайна хутка скончыцца, і ўсе гэтыя жыцці будуць выратаваныя! Калі няма, вы проста марнуеце мой час, а таксама час, сілы і грошы Злучаных Штатаў», — напісаў прэзідэнт ЗША.
У сваім допісе Трамп узгадаў, што гэта вайна Байдэна і Зяленскага, але нават не згадаў Пуціна і Расію — хоць не Украіна атакавала Расію, а Расія ўварвалася ва Украіну і захапіла яе тэрыторыі.
У рэальнасці Еўропа скараціла закупкі расійскай нафты з 16,4 млрд долараў у 2021 годзе да 1,7 млрд у 2025. Прычым цяпер расійскую нафту закупляюць у асноўным Венгрыя і Славакія — дзе ва ўладзе сілы, ідэалагічна блізкія Трампу. Іх у сваім пасце Трамп не згадвае.
Да 2027 года Еўропа плануе цалкам адмовіцца ад закупак расійскага звадкаванага прыроднага газу на споце.
Цяпер чытаюць
«Знік без звестак» вельмі малады беларускі наёмнік12
«Знік без звестак» вельмі малады беларускі наёмнік
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны77
Каментары
І тут цікава як хутка павернуцца мазгі ў еўрапейскіх выбаршчыкаў, каб палітычны істэблішмэнт, які іх прадстаўляе, вымушаны быў праявіць палітычную волю.
Калісьці яшчэ ўвосень каментаваў, што Трамп - чорны лебедзь Пуціна. Маўляў, Трамп прымусіць Еўропу спадзявацца толькі на саміх сябе, а Пуціна і Крэмль Трамп таксама кіне.
Зразумела, "за 24 гадзіны" такія планетарныя сальта з піруэтам не робяцца, ну пабачым, хочацца спадзявацца на лепшае.