Як піша расійскае выданне «Коммерсантъ», у студзені-ліпені 2025 года продажы беларускіх пеністых вінаў у расійскіх крамах павялічыліся ў 14 разоў у параўнанні з ранейшымі паказчыкамі і дасягнулі 29 тысяч дэкалітраў. Беларусь нават трапіла ў топ-10 пастаўшчыкоў пеністых вінаў у Расіі.
Галоўная прычына — санкцыі Еўрасаюза і абмежаванні на імпарт еўрапейскага віна, уведзеныя Крамлём. У выніку расійскія спажыўцы пачалі больш актыўна купляць прадукцыю з краін, якія раней не былі папулярныя на мясцовым рынку.
Так, продажы чылійскага пеністага віна выраслі на 214,9% (да 24,6 тысяч дал), пастаўкі з Паўднёва-Афрыканскай Рэспублікі — на 126,8% (да 11,7 тысяч дал). Віно з Малдовы паказала рост на 251,6% (8,8 тысяч дал). Асабліва хутка пачалі расці продажы вінаў з Бразіліі (у сотні разоў, да 4,5 тысяч дал) і Сербіі (да 1,5 тысяч дал).
Цікава, што ў Расіі сталі больш купляць нават індыйскае пеністае віно — яго продажы павялічыліся ў 11 разоў і склалі каля 0,8 тысяч дал.
Як адзначыў віцэ-прэзідэнт кампаніі Simple Group Анатоль Карнееў, усе гэтыя краіны аб’ядноўвае адно: іх віны прадаюцца па нізкіх цэнах. Пры гэтым, нягледзячы на дзяржаўную палітыку падтрымкі расійскага вінаробства, буйныя гандлёвыя сеткі ўсё адно працягваюць шукаць альтэрнатыўныя тавары за мяжой.
На фоне разваг пра шмурдзяк Расія дазволіла імпартаваць віно яшчэ аднаго беларускага завода
Мінскі завод вінаў адказаў Расіі на «шмурдзяк» — пастаўкі віна ў РФ спыняюцца
Ці праўда, што віно беларускага разліву — шмурдзяк? «Ды што вы!» — кажа энолаг
Беларускія віны ў Расіі хочуць маркіраваць налепкамі «гэта не віно»
Спецпрадстаўнік Пуціна назваў беларускае віно шмурдзяком і абурыўся яго пастаўкамі ў Расію
У Беларусі вывелі першы ўласны сорт вінаграду для сухога віна
Пастаўкі пеністых вінаў з Беларусі ў Расію выраслі ў 21 раз
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары