Ён у два разы вышэйшы за Эйфелеву вежу.
У Кітаі завяршылі выпрабаванні новага рэкорднага збудавання — моста цераз каньён Хуадцзян, піша выданне Bild.
Ягоная вышыня — 625 метраў, даўжыня — амаль тры кіламетры. Паводле кітайскіх СМІ, адкрыццё намечана ўжо на верасень.
Каб даказаць надзейнасць канструкцыі, інжынеры загналі на мост 96 грузавікоў агульнай вагой 3360 тон і пяць дзён правяралі трываласць самых уразлівых пунктаў. Вынік — ні найменшых адхіленняў, мост вытрымаў нагрузку без праблем.
Будаўніцтва цягнулася ўсяго тры з паловай гады, хоць умовы былі экстрэмальныя: стромкія схілы, нестабільныя глебы, штормы і высокая вільготнасць. Канструкцыя абсталяваная гнуткімі падвесамі, якія абараняюць яе нават ад землятрусаў.
Новы мост злучыць рэгіёны Лючжы і Аньлун на паўднёва-захадзе Кітая, істотна спрашчаючы дарогу праз горы. Але гэта не толькі транспартны праект: тут з’явяцца аглядная пляцоўка, шкляны ліфт, кавярня і нават пляцоўка для банджы-джампінгу.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары