«Праваслаўныя цэрквы ў Заходняй Беларусі закрываліся». А колькі ж было цэркваў у БССР і колькі — у Заходняй Беларусі па стане на 1939 год?
«Праваслаўныя цэрквы ў Заходняй Беларусі закрываліся», — заявіў Аляксандр Лукашэнка ў сваім выступе перад ідэолагамі 17 верасня, які быў зборам гістарычных папрокаў палякам і Польшчы. А колькі ж у рэальнасці было праваслаўных цэркваў у Заходняй Беларусі і колькі — у БССР па стане на 1939 год?
Пераслед Праваслаўнай царквы ў Заходняй Беларусі стаў адным з аргументаў ва ўстановачнай прамове Аляксандра Лукашэнкі. І гэта той выпадак, калі хлусня дасягнула абсалюту.
Рэч у тым, што па стане на 1938 год на ўсю БССР засталіся 3 — тры! — адкрытыя царквы: у Бабруйску, Оршы і Мазыры. У іх служылі завербаваныя НКВД агенты, у задачу якіх уваходзіла выяўляць вернікаў-актывістаў.
У гэты ж самы час на тэрыторыі Заходняй Беларусі працягвалі дзейнічаць больш за 1000 праваслаўных цэркваў. Праваслаўныя святары працягвалі выкладаць рэлігію ў школе нароўні з каталіцкімі, праваслаўныя капеланы працавалі ў Войску Польскім нароўні з каталіцкімі.
Так, міжваенная Польшча не спрыяла беларусам. І так, рэлігійныя крыўды і канфлікты там былі. Да прыкладу, вялізныя спрэчкі былі звязаныя з вяртаннем каталікам былых каталіцкіх і ўніяцкіх храмаў, якія ў часы Расійскай Імперыі былі канфіскаваныя і перададзеныя Праваслаўнай царкве. Але гэты ціск і цяжбы не ішлі ні ў якое параўнанне з татальным вынішчэннем праваслаўя ў БССР. Па стане на 1938 год у БССР заставаліся на свабодзе ўсяго 2 (два) праваслаўныя святары і 13 былых святароў, якія былі адракліся сану. Усе яны стаялі на ўліку ў НКВД. Усе астатнія святары, манахі і епіскапы былі расстраляныя або, у лепшым выпадку, адпраўленыя ў канцлагеры. Былі разбураныя сотні храмаў: у тым ліку ў Мінску і Віцебску.
У сённяшняй Беларусі адбываецца татальная фальсіфікацыя гісторыі. І нагнятанне нянавісці да палякаў у плане скажэння гісторыі 1930‑х — адна з частак гэтага працэсу. Міжваенная Польшча не была ні ў чым спрыяльнай для беларускага нацыянальнага руху, але, у адрозненне ад БССР, беларусаў тут не расстрэльвалі. Нагадаем, што ў Польшчы Браніслаў Тарашкевіч атрымаў тэрмін зняволення за дзейнасць, скіраваную на адрыў беларускіх зямель ад Польшчы (і ён рэальна да гэтага імкнуўся). У турме ён пераклаў на беларускую мову «Іліяду». Але калі Тарашкевіч па абмене перайшоў у Савецкі Саюз, яго ў выніку пасля нялюдскіх катаванняў расстралялі ў Курапатах як польскага шпіёна па выдуманым абвінавачванні.
«Турмы былі запоўненыя беларускімі патрыётамі». Лукашэнка абмаляваў у чорных фарбах міжваенную Польшчу
Галоўны ідэолаг расказаў, як прапагандыстам давядзецца працаваць пасля сустрэчы з Лукашэнкам
Канапацкая прысутнічала на сустрэчы Лукашэнкі з ідэалагічным актывам
«У нас в Белоруссии один лидер — Батька!». Расійскіх ботаў адправілі ў тыктокі са Статкевічам
Цяпер чытаюць
Зміцер Дашкевіч сказаў, што трэба рабіць беларусам зараз, каб краіна стала свабоднай і незалежнай27
Каментары