Трамп: Для ЗША будзе вялікай абразай, калі я не атрымаю Нобелеўскую прэмію
Прэзідэнт ЗША лічыць, што менавіта ён заслугоўвае Нобеля за ўрэгуляванне канфліктаў у свеце.
Дональд Трамп заявіў, што для ЗША будзе вялікай абразай, калі ён не атрымае Нобелеўскую прэмію міру за сваю дыпламатычную дзейнасць. Пра гэта амерыканскі прэзідэнт сказаў падчас выступу ў Квантыка, штат Вірджынія, перад групай высокапастаўленых вайскоўцаў, піша The Hill.
«Я дапамог пакласці канец сямі канфліктам, і калі план адносна Газы спрацуе, гэта будзе ўжо восем. Восем за восем месяцаў — ніхто такога не рабіў», — падкрэсліў Трамп.
Ён таксама выказаў скепсіс адносна працы Нобелеўскага камітэта: «Ці атрымаеш ты Нобелеўскую прэмію? Абсалютна не. Яны дадуць яе нейкаму хлопцу, які нічога не зрабіў. Можа, пісьменніку, які напісаў кнігу пра Дональда Трампа».
Нобелеўскі тыдзень стартуе ўжо на наступным тыдні. У панядзелак будуць названыя нобелеўскія лаўрэаты ў галіне медыцыны і псіхалогіі.
У чацвер, 9 кастрычніка, назавуць нобелеўскага лаўрэата па літаратуры, а 10 кастрычніка — прэміі міру.
У мінулым нобелеўская прэмія міру была ўручана Японскай канфедэрацыі арганізацый ахвяр атамных і вадародных бамбардзіровак.
Цяпер чытаюць
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў12
Каментары
Шантыжыст, а мы з табою не пара )