Федэральны канцлер Германіі Фрыдрых Мерц разам з дэлегацыяй нямецкіх бізнэсменаў 4 лютага адпраўляецца ў паездку па краінах рэгіёну Персідскага заліва — Саудаўскай Аравіі, Катары і ААЭ. Яна падобная на візіт яго папярэдніка Олафа Шольца ў верасні 2022 года, калі той вёў перамовы з мясцовымі экспарцёрамі звадкаванага прыроднага газу, каб замяніць пастаўкі расійскага газу. Цяпер Мерц імкнецца знізіць залежнасць Германіі ўжо ад амерыканскага ЗПГ, піша The Moscow Times.
Трохдзённы візіт уваходзіць у стратэгію Германіі па дыверсіфікацыі імпарту энергарэсурсаў і пошуку новых рынкаў для прамысловага экспарту, расказалі агенцтву Bloomberg нямецкія чыноўнікі. Да пачатку вайны ва Украіне асноўным пастаўшчыком газу для Германіі была Расія. Цяпер жа ЗПГ складае 13% ад агульнага імпарту газу, пры гэтым амаль увесь — 94% — паступае з ЗША.
Эксперты адзначаюць, што высокая залежнасць ад амерыканскіх энергарэсурсаў стала праблемай у святле аўтарытарных тэндэнцый у ЗША і рызыкі геапалітычнага шантажу. Акрамя Блізкага Усходу, Германія разглядае і іншыя альтэрнатывы: нарвежскі трубаправодны газ, ЗПГ з Канады і Аўстраліі.
Еўрапейскі Саюз таксама актывізуе пошукі новых пастаўшчыкоў ЗПГ. Паводле еўракамісара па энергетыцы Дана Ёргенсэна, плануецца паглыбіць энергетычныя сувязі з Канадай, Катарам і Алжырам. Канада ўпершыню пачала экспарт ЗПГ у ліпені 2025 года, яшчэ два праекты павінны запрацаваць у 2027—2028 гадах. Катар, адзін з найбуйнейшых пастаўшчыкоў ЗПГ у свеце, плануе павялічыць магутнасці з 77 мільёнаў да 142 мільёнаў тон да 2030 года.
Праблема для Германіі ў тым, што пастаўшчыкі з рэгіёну Персідскага заліва хочуць заключаць доўгатэрміновыя 20‑гадовыя кантракты, а Берлін забараніў імпарт ЗПГ пасля 2043 года ў межах барацьбы з зменай клімату. Таму нямецкія закупшчыкі часцей аддаюць перавагу амерыканскім кампаніям з больш гнуткімі ўмовамі.
Эксперты падкрэсліваюць, што галоўная выснова з усяго гэтага — Германіі трэба не толькі змяняць пастаўшчыкоў, але і зніжаць залежнасць ад выкапнёвага паліва ўвогуле.
Чаму Мерц так стрымана рэагуе на Трампаў замах на Грэнландыю? Бо Германія найбольш залежная ад ЗША
У Германіі затрымалі дэпутата ад АдГ, на палях якога пад Лідай працавалі вязні
Мерц выступіў супраць накіравання міратворцаў ва Украіну пад еўрапейскім сцягам
Мерц: Еўропа павінна навучыцца гаварыць мовай сілы
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары