Туск: Сетка Джэфры Эпштэйна магла быць маштабнай аперацыяй расійскіх спецслужбаў па вербаванні заходніх эліт
Гаворка ідзе пра вядомую схему «мядовая пастка», дзе высокапастаўленых палітыкаў і бізнэсменаў дыскрэдытавалі праз удзел у злачынных оргіях, каб пасля трымаць іх на «кручку» Масквы.
Прэм'ер-міністр Дональд Туск заявіў, што ў Польшчы ствараецца адмысловая група па расследаванні скандалу з педафіліяй у ЗША. Ахвярамі злачыннай дзейнасці педафілаў маглі быць польскія дзеці, а другая прычына — выключна палітычная.
— Усё больш слядоў, усё больш інфармацыі, усё больш каментароў у сусветным друку тычыцца падазрэнняў, што гэтая беспрэцэдэнтная педафільская афера была арганізаваная расійскімі спецслужбамі, — тлумачыць Туск.
Паводле яго слоў, гэта праблема цяпер тычыцца «кожнага ўрада ва ўсім свеце.»
— Гэта пытанні пра тое, што мы збіраемся з гэтым рабіць, бо з дня ў дзень растуць падазрэнні наконт сувязяў Эпштэйна і ўсяго гэтага педафільскага кола з расійскімі спецслужбамі.
Спадар Эпштэйн, відавочна, меў неабмежаваны доступ да вялікіх грошай. Дагэтуль не высветлены крыніцы і паходжанне гэтых грошай. Ён супрацоўнічаў з вельмі многімі маладымі расіянкамі, якіх ён схіляў да прастытуцыі. Такі быў пачатак гэтага бізнэсу. Ніхто не можа адказаць на пытанне, чаму гэта было так лёгка, фактычна ў святле пражэктараў, — сказаў Туск.
Ён звярнуў увагу, што ў апублікаваных на гэты момант дакументах ёсць больш за тысячу дакументаў, якія непасрэдна тычацца Уладзіміра Пуціна.
— Вядома, што Эпштэйн архіваваў усе свае паведамленні, электронныя лісты, дакументы, архіваваў відэаролікі і фотаздымкі. Ён запісваў і здымаў уплывовых заходніх лідараў: прэзідэнтаў, прэм'ер-міністраў, кіраўнікоў найбуйнейшых сусветных кампаній. Усё больш і каментатараў, і экспертаў мяркуюць, што вельмі верагодна, што гэта была падрыхтаваная аперацыя расійскага КДБ — так званы «honey trap» (мядовая пастка), салодкая прынада, пастка, расстаўленая на эліты заходняга свету, галоўным чынам Злучаных Штатаў, — кажа Туск.
У злітых файлах Эпштэйна ўсплыла яшчэ адна беларуска, мадэль і жонка футбаліста — расказваем, што пра яе вядома
Белпол: «Эпштэйн не даехаў да Беларусі». А кім былі бацькі яго каханкі Карыны Шуляк?
Завяшчаў Карыне Шуляк 50 мільёнаў, а яе бацька лётаў з ім на верталёце за месяц да арышту. Што яшчэ стала вядома з файлаў Эпштэйна
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары