Літоўскія дэпутаты звярнуліся да прэзідэнта і ўрада, каб Офіс Ціханоўскай застаўся ў Літве
Дэпутаты літоўскага Сейма звярнуліся да адміністрацыі прэзідэнта краіны і ўрада з просьбай знайсці рашэнні, «якія забяспечаць працяг працы ў Вільні Офіса Святланы Ціханоўскай».
«Мы прынялі заяву, у якой яшчэ раз пацвердзілі падтрымку ўсім беларускім апазіцыйным сілам, падкрэслілі зацікаўленасць Літвы ў захаванні Офіса Святланы Ціханоўскай. Узялі на сябе абавязацельства сесці за стол перамоў з апазіцыйнымі сіламі для стварэння новай стратэгіі па пытаннях Беларусі», — паведаміў кіраўнік сеймавай групы сяброўства з дэмакратычнымі сіламі Беларусі Русланас Баранавас.
У заяве адзначаецца, што ў нацыянальных інтарэсах Літвы — свабода і дэмакратыя ў Беларусі, збліжэнне краіны з Еўрапейскім Саюзам і вывад з яе тэрыторыі расійскіх войскаў.
Пры гэтым звяртаецца ўвага, што «дзякуючы дзейнасці Офіса Святланы Ціханоўскай у Вільні ўзмацнілася «мяккая сіла» Літоўскай Рэспублікі, а яе сталіца стала месцам, дзе палітыкі і эксперты іншых дзяржаў падтрымліваюць сувязі з дэмакратычнай супольнасцю Беларусі і каардынуюць еўрапейскую і трансатлантычную палітыку адносна Беларусі».
Таксама падкрэсліваецца, што значная частка фінансавай падтрымкі, якую беларускія дэмакратычныя арганізацыі атрымліваюць ад Еўрасаюза і асобных краін, праходзіць праз арганізацыі, зарэгістраваныя ў Літве, якія плацяць падаткі ў бюджэт Літоўскай Рэспублікі. Таксама ў Літве жыве каля 50 тысяч грамадзян Беларусі, частка з якіх працуе і стварае бізнэс у сектарах з высокай даданай вартасцю.
У сувязі з гэтым дэпутаты просяць прэзідэнта Літвы Гітанаса Наўседу і ўрад Літвы:
- знайсці рашэнне, якое дазволіць Офісу Святланы Ціханоўскай далей працаваць у Літве;
- распрацаваць новую стратэгію адносін з беларускімі дэмакратычнымі сіламі і прадставіць яе на разгляд сеймавага камітэта па замежных справах;
- запрасіць прадстаўнікоў Сейма і камітэта па замежных справах да адкрытай дыскусіі адносна падтрымкі беларускай дэмакратычнай апазіцыі.
Член Сейма Літвы: Цяпер рыхтуецца яшчэ адна аперацыя па вызваленні беларускіх палітвязняў
«Зараз яе будзе ахоўваць Сярожа». Боты атрымалі новую метадычку пра Ціханоўскую
Офіс Ціханоўскай сапраўды разглядае пераезд у іншую краіну. Найперш — у Польшчу
Наўседа: Сітуацыю з аховай Ціханоўскай занадта драматызуюць
«Цяпер вы бачыце, да чаго прыводзяць такія памылкі». The Washington Post апублікавала вялікі матэрыял пра Ціханоўскіх
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары
[Зрэдагавана]
[Зрэдагавана]
Пішэця ішчо!