Яблыкі па 7 рублёў, дурніцы — па 100. Якія цяпер цэны на Камароўскім рынку?
Пакупнікі здзіўляюцца, напрыклад, грыбным дэлікатэсам — вялікім капялюшыкам ад грыбоў-дажджавікоў, якія прапануюць набыць па 5 рублёў за штуку. Цэны на рынку паглядзелі журналісты Smartpress.
Агулам грыбоў на рынку няшмат і ў асноўным іх прадаюць на падыходзе да Камароўцы — вось такімі купкамі, паштучна, або маленькімі вядзерцамі. Каштуюць яны па 5‑7 рублёў.
Кабачкі і баклажаны прадаюць па 2‑3 рублі за кілаграм, салодкія перцы і таматы — ад 1,99 за кілаграм, слівы — па 2,9.
Перцы прапануюць па 7 рублёў, таматы і слівы — па 6 рублёў за кілаграм.
Так і не ўпалі цэны на яблыкі. Чырвоныя, жоўтыя, зялёныя — з Беларусі ці Малдовы — яблыкі каштуюць па 5‑7 рублёў за кілаграм. Грушы — па 8‑10 рублёў.
Восеньскі настрой на Камароўцы падтрымліваюць журавіны, за якія просяць па 10‑12 рублёў, і вінаград — па 4‑10 рублёў.
А вось аматары дурніц, маліны і трускаўкі ўжо злёгку прыпазніліся. За першыя просяць аж да 100 рублёў. За трускаўку — па 20‑25 рублёў, маліну — па 18‑25 рублёў. Адзін плод перуанскага манга каштуе 35 рублёў.
Каментары