За пяць апошніх гадоў беларусы сталі значна менш хварэць на туберкулёз
За апошнія пяць гадоў захворванне на туберкулёз у Беларусі знізілася на 19%. Пра гэта паведаміла дырэктарка Рэспубліканскага навукова-практычнага цэнтра пульманалогіі і фтызіятрыі, галоўная пазаштатная фтызіятрка Міністэрства аховы здароўя Беларусі Алена Кроткава.
Алена Кроткава адзначыла, што ў Беларусі створаная дакладная сістэма ранняга выяўлення туберкулёзу і аказання медыцынскай дапамогі пацыентам.
Беларускія метады ранняй дыягностыкі і лячэння туберкулёзу ўключаныя ў рэкамендацыі СААЗ. За 2025 год захворванне складала 13,2 выпадкі на 100 тысяч насельніцтва. Павысіліся паказчыкі эфектыўнасці лячэння — на 15%, а смяротнасць знізілася на 18,2%, складаючы менш за адзін выпадак на 100 тысяч насельніцтва.
Аднак праблема лекавай устойлівасці туберкулёзу таксама існуе: штогод выяўляюць каля 400 выпадкаў.
Пры гэтым усе медыцынскія паслугі прафілактыкі, дыягностыкі і лячэння туберкулёзу застаюцца бясплатнымі для грамадзян, а дзяржава пакрывае ўсе выдаткі — ад абследавання да складаных аперацый і працяглага курсу хіміятэрапіі сучаснымі прэпаратамі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары