Што знаходзіцца ўнутры новай сакрэтнай базы «Альфы» ў мінскай Баравой?
Арганізацыя былых сілавікоў «Белпол» апублікавала новае расследаванне пра групу «А» КДБ, вядомую як «Альфа». У ім распавядаецца, як элітнае спецпадраздзяленне, створанае для барацьбы з тэрарызмам, пасля пратэстаў 2020 году стала паўнавартаснай вайсковай часткай. Галоўныя моманты пераказала «Люстэрка».
Група «А» пры КДБ БССР была створана ў 1990 годзе як прафесійнае антытэрарыстычнае падраздзяленне. «Белпол» сцвярджае, што доўгія гады «Альфа» мела высокі аўтарытэт у сілавых структурах і імкнулася дзейнічаць прафесійна, без празмернага гвалту.
Усё змянілася з узмацненнем палітычных рэпрэсій. Як сцвярджаюць аўтары, яшчэ за некалькі гадоў да 2020 году падраздзяленне стала дэградаваць, удзельнічаючы ў разгонах пратэстаў. З'явіліся выпадкі здзекаў над затрыманымі, якіх перавозілі на падлозе аўтатранспарту і прымушалі спяваць песні дзеля забавы сілавікоў.
Кульмінацыяй гэтай дэградацыі, на думку аўтараў расследавання, стала забойства праграміста Андрэя Зельцара 28 верасня 2021 году, калі пяцёра ўзброеных байцоў «Альфы» ўварваліся ў ягоную кватэру.
Як паведамляе «Белпол», на будаўніцтва новай сакрэтнай базы «Альфы» ў мінскім раёне Баравая былі выдзелены «дзясяткі мільёнаў даляраў». Гэты аб’ект — добра абсталяваны аўтаномны вайсковы гарадок на больш, чым 40 будынкаў. Паводле звестак расследавальнікаў, на ягонай тэрыторыі знаходзяцца:
- шматфункцыянальны стралковы цір працягласьцю звыш 400 мэтраў;
- тактычныя комплексы і макеты для трэніровак па штурме жылых дамоў, адміністрацыйных будынкаў, самалётаў, верталётаў і чыгуначных вагонаў;
- спэцыяльны басейн для падрыхтоўкі баявых плыўцоў, дзе можна адпрацоўваць штурм з вады і выкарыстоўваць агнястрэльную зброю;
- сыстэма радыёэлектроннай барацьбы для процідзеяння беспілотнікам.
У галоўным вучэбна-трэніровачным корпусе, як сцвярджаюць аўтары відэа, акрамя службовых кабінетаў і спартзалаў, ёсць і VIP-зона з саўнай, більярдам і з двума купелямі. А кабінеты начальніка групы «А» і ягоных намеснікаў абсталяваны пакоямі адпачынку са спальнымі месцамі.
Калі да 2020 году, паводле інфармацыі «Белпол», адзінай бронетэхнікай «Альфы» быў стары савецкі БТР-80, то пасля пратэстаў падраздзяленне пачалі імкліва ўзбройваць. З'явіліся сучасныя расійскія бронетранспарцёры БТР-82А і баявыя машыны пяхоты БМП-2, абсталяваныя 30‑мм аўтаматычнымі гарматамі.
Акрамя таго, быў закуплены цяжкі бронеаўтамабіль «Защитник» беларускай вытворчасці. Асобная ўвага ў расследаванні надаецца закупцы аўтамабіляў скрытага браніравання. За апошнія тры гады, паводле звестак BELPOL, для патрэб «Альфы» і генералаў КДБ было набыта не менш як 13 такіх машын на агульную суму каля сямі мільёнаў даляраў ЗША.
«Альфа» КДБ атрымала таксама на ўзбраенне не проста разведвальныя, а ўдарныя беспілотнікі. Пад гэтыя дроны ў Беларусі была наладжана ўласная вытворчасць боепрыпасаў.
Напрыканцы расследавання аўтары прыходзяць да высновы, што спецпадраздзяленне КДБ было пераўтворана.
— Група «А» КДБ з вузкапрофільнага спецпадраздзялення па барацьбе з тэрарызмам і іншымі крымінальнымі злачынствамі, пераўтворана ў паўнавартасную вайсковую частку, здольную весці агульнавайсковы бой, — гаворыцца ў матэрыялах.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў16
Каментары
Там идут такие же процессы деградации, как и во всей системе выстроенной лукашенками.
Наверх, 31 год к ряду, пылесосами подымающими мусор, подымается мусор и малообразованные отбросы, которые мнят себя государственниками и белой костью и преданы системе лукашенко.
Все их собеседования, тесты и проверки на полиграфе, разработаны так, чтобы принять в свои ряды садистов, дураков, карьеристов, циников и лжецов, тех, кто, по приказу лукашенко, будет избивать, пытать, убивать безоружное население.