Прэзідэнт ЗША Дональд Трамп заявіў, што кіраўнік Ірана нібыта звярнуўся да амерыканскага боку з просьбай спыніць агонь. Пра гэта ён паведаміў у сваёй сацыяльнай сетцы Truth Social, адзначыўшы, што цяперашні іранскі прэзідэнт, на яго думку, менш радыкальны і больш разважлівы, чым папярэднія.
«Новы прэзідэнт Ірана, значна менш радыкалізаваны і значна разумнейшы за сваіх папярэднікаў, толькі што звярнуўся да Злучаных Штатаў Амерыкі з просьбай аб спыненні агню», — напісаў кіраўнік Белага дома.
Пры гэтым Трамп падкрэсліў, што ЗША гатовыя разглядаць магчымасць спынення баявых дзеянняў толькі пасля таго, як Армузскі праліў стане адкрытым, бяспечным і свабодным для суднаходства. Да гэтага часу, паводле яго слоў, амерыканскі бок будзе працягваць жорсткія дзеянні супраць Ірана.
Аднак тэлеканал CNN адзначае, што незалежнага пацвярджэння такога звароту з боку Ірана пакуль няма. Таксама застаецца незразумелым, ці мае іранскі прэзідэнт дастатковыя паўнамоцтвы, каб выступаць ад імя ўсёй палітычнай сістэмы краіны. Зрэшты, магчыма, што Трамп насамрэч меў на ўвазе не прэзідэнта Масуда Пезешкіяна, які займае сваю пасаду амаль два гады, а сапраўды новага вярхоўнага лідара Ірана Маджтабу Хаменеі.
Раней з’яўлялася інфармацыя, што новы вярхоўны лідар Ірана Маджтаба Хаменеі мог пагадзіцца на перамовы з ЗША. Гэта выглядае як змена пазіцыі, бо да гэтага Тэгеран адмаўляў магчымасць прамых кантактаў з Вашынгтонам і называў паведамленні пра дыялог недакладнымі.
31 сакавіка міністр замежных спраў Ірана Абас Арагчы пацвердзіў, што паміж Тэгеранам і Вашынгтонам сапраўды адбываецца абмен паведамленнямі — як напрамую, так і праз пасярэднікаў. Але пры гэтым падкрэсліваецца, што гэта яшчэ не азначае пачатак паўнавартасных перамоў.
ААЭ гатовыя дапамагаць ЗША сілай адкрыць Армузскі праліў
«Я заўсёды ведаў, што яны папяровы тыгр». Трамп заявіў, што разглядае магчымасць выхаду з НАТА
Пасол Ірана ў Расіі назваў умовы для дасягнення міру
Забіты кіраўнік судовай улады Ірана Галям Хасейн Махсэні-Эджэі
Прэзідэнт Ірана заявіў пра гатоўнасць завяршыць вайну пры гарантыі ненападзення на краіну
«Мы пакінем Іран вельмі хутка». Трамп анансаваў заканчэнне вайны незалежна ад таго, ці будзе здзелка з Іранам
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары