Памятаеце кватэры, за прагляд якіх бралі па 7000 рублёў? Стала вядома, за колькі іх купілі
Цэны на кватэры ў мінскім элітным ЖК «Паўночны бераг» агучвалі толькі пасля ўнясення зваротнага дэпазіту.
Кватэры з відам на вадаём
У базе здзелак з нерухомасцю з’явіліся звесткі пра продаж чатырох кватэр у доме нумар 88 на вуліцы Віталя Цвіркі, што ў элітным ЖК «Паўночны бераг», заўважыў тэлеграм-канал «Будні рыэлтара. Мінск». Гэта той дом, дзе за прагляд апартаментаў бралі па 7000 рублёў задатку.
Самая танная і самая меншая з прададзеных кватэр мае плошчу 62,3 квадратнага метра. Як купілі амаль за 319 тысяч даляраў — гэта па 5118 даляраў за квадратны метр.
Кватэра плошчай 79 квадратных метраў стала самай дарагой — яе прадаюць за 450 тысяч даляраў, што складае 5692 даляры за квадратны метр.
Што там такога, што квадрат каштуе больш за 5 тысяч даляраў?
Забудоўшчык называе «Паўночны бераг» прынцыпова новым поглядам на жылы комплекс у сэрцы сталіцы, размешчаны на беразе ракі і акружаны прыродай.
Дом Lake Views, у якім прадалі мінімум чатыры кватэры, адносяць да катэгорыі ультрапрэміум, а самі кватэры называюць калекцыйнымі. Знаходзіцца ён на першай берагавой лініі Цнянскага вадасховішча.
Агулам па планах забудоўшчыка ў квартале будзе пражываць да 130 тысяч чалавек.
Ці гэта самае дарагое жытло ў Мінску?
Нягледзячы на высокі кошт квадратнага метра, у сталіцы ёсць і больш дарагая нерухомасць. Так, напрыклад, у квартале «Дэпо» каля плошчы Перамогі ёсць кватэры і па 6700 даляраў за квадрат.
Што да сярэдняй цаны на квадрат, то гэта 1942 даляры па прапановах.
Цяпер чытаюць
«Вітольд казаў: «Ну што вы, што вы…» А мянты пасля крычалі пра мора крыві». Палітвязень з суседняй камеры расказаў пра смерць Ашурка5
Каментары
А вось антрапагенная нагрузка на Цнянку яшчэ больш вырасла, а ў будучым вырасце значна болей.
І адмяніць гэтыя планы на гэты звышшчыльны раён ужо не атрымаецца. Мала хто разумеў і казаў пра тое, што гэта чарговая катастрофа для Мінска, тыпа Маяка Мінска, Мінск-Міра.