23‑гадовага жыхара Жлобіна, вядомага ў тыктоку як «практычны маг», асудзілі на пяць гадоў калоніі за махлярства. Ён абдурваў людзей, абяцаючы зняць сурокі, ачысціць золата ад псіхалагічнага негатыву і «адвабіць каханку ад мужа».
З кастрычніка 2022 года па люты 2025 года «экстрасэнс» прымаў заказы праз сацсеткі і месенджары, ладзіў платныя «рытуалы на ўдачу» і «ачысткі» анлайн, запэўніваючы кліентаў, што зможа пазбавіць іх негатыву. Людзі пералічвалі грошы на яго рахунак, але рэальнага выніку не было.
Усяго хлопец ашукаў 128 чалавек і атрымаў такім чынам больш за 32 тысячы рублёў. Сярод ахвяр былі людзі ад 22 да 61 года, кожны шосты — мужчына.
Паведамляецца, што малады чалавек прызнаў віну і раскаяўся. Суд прыгаварыў яго да пяці гадоў калоніі ўзмоцненага рэжыму і штрафу ў 100 базавых велічынь (4200 рублёў). Таксама вырашаецца пытанне кампенсацыі пацярпелым.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1818
Каментары
Звычайна, гэта альбо былыя выканкамаўскія цёценькі альбо адстаўныя міліцыянты.