Беларус адсудзіў вялікую кампенсацыю за старыя кнігі, якія папсаваў прадавец
Уладальнік старых кніг перадаў іх фірме па дамове камісіі, каб тая прадавала іх і гарантавала захаванасць. У кастрычніку 2023 года ён такім чынам аддаў 37 кніг, частка якіх мела статус культурнай каштоўнасці. Кампанія павінна была прадаць іх цягам 90 дзён, але прадала не ўсе, паведамляе Вярхоўны суд.
Калі тэрмін мінуў, мужчына папрасіў вярнуць тое, што не прадалі. Кнігі Вільгельма Вегнера «Элада» і Івана Бажаранава «Граф Ягор Францавіч Канкрын», выдадзеныя ў XIX стагоддзі, ён прыняць назад адмовіўся, бо яны вярнуліся ў пашкоджаным стане. Экспертыза засведчыла, што псаванне адбылося праз неналежнае захоўванне.
Уладальнік кніг звярнуўся ў суд з патрабаваннем спагнаць з фірмы 4,8 тысячы рублёў матэрыяльнай шкоды і 3 тысячы рублёў — за маральную шкоду.
Суд вызначыў памер стратаў на падставе экспертызы і пастанавіў спагнаць з кампаніі 3,6 тысячы рублёў кампенсацыі за пашкоджанне, 500 рублёў маральнай шкоды, больш за 2 тысячы рублёў на юрыдычную дапамогу і 308 рублёў дзяржпошліны.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары