Віктара Лукашэнку ў Амане назвалі «спецыяльным прадстаўніком прэзідэнта»
Паводле паведамлення прэс-службы МЗС Амана, падчас сустрэчы султана Хайсама бін Тарыка з беларускай дэлегацыяй Віктар Лукашэнка ўдзельнічаў у перамовах як «спецыяльны прадстаўнік прэзідэнта» або «спецыяльны пасланнік прэзідэнта», заўважыў Reform.news. У такім жа статусе праводзіць міжнародныя сустрэчы і былы памочнік Аляксандра Лукашэнкі Віктар Шэйман.
У Беларусі пасада «спецыяльны прадстаўнік» ці «спецыяльны пасланнік» прэзідэнта досыць рэдкая. Да гэтага яе займаў Віктар Шэйман, які пасля адстаўкі з пасады Кіраўніка справамі Лукашэнкі стаў спецпасланнікам і працягваў курыраваць рэгіёны Кубы, Венесуэлы і Афрыкі.
Яшчэ ў лютым 2021 года Віктар Лукашэнка быў вызвалены ад пасады памочніка Лукашэнкі па нацыянальнай бяспецы і адначасова прызначаны прэзідэнтам Нацыянальнага алімпійскага камітэта. Афіцыйна пра прызначэнне на іншую дзяржаўную пасаду не паведамлялася, аднак ён працягваў курыраваць адносіны Беларусі з арабскімі краінамі Персідскага заліва і, магчыма, з часам — з Інданезіяй і Алжырам.
Падчас цяперашняй сустрэчы ў Амане, як паведамлялася, абмяркоўваліся напрамкі інвестыцыйнага і эканамічнага супрацоўніцтва паміж Беларуссю і Аманам, а таксама шляхі яго ўмацавання дзеля падтрымкі росту эканомік абедзвюх краін.
Акрамя Віктара Лукашэнкі, у сустрэчы браў удзел таксама малодшы сын Аляксандра Лукашэнкі Мікалай.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары