«Камунарка» пракаментавалі закіды, што расійскія школьнікі п'янеюць ад яе цукерак
Днямі з'явілася інфармацыя, што ў расійскіх школьнікаў стаў папулярны алкаголь у цукерках — яны скупляюць бутэлечкі з лікёрам і каньяком, перш за ўсё вытворчасці мінскай фабрыкі «Камунарка». Некаторыя школьнікі ўжо пасля пары цукерак нібыта адчуваюць млоснасць і галавакружэнне, што звязана з моцным алкагольным ап'яненнем. На «Камунарцы» пракаментавалі гэтую сітуацыю, піша «Анлайнер».
На «Камунарцы» пракаментавалі, што горкі шакалад з начынкай «Шакаладныя бутэлечкі з каньяком» і «Шакаладныя бутэлечкі з лікёрам» выпускаецца па рэцэптурах, узгодненых Міністэрствам аховы здароўя Беларусі.
Гэтая прадукцыя адносіцца да кандытарскіх вырабаў, а не да алкагольнай прадукцыі. Узроставыя абмежаванні на куплю такіх прысмакаў не распаўсюджваюцца:
«Пытанне ўжывання дзецьмі кандытарскіх вырабаў з утрыманнем алкаголю адносіцца да зоны адказнасці бацькоў. Спажыванне такіх вырабаў, як і любых іншых прадуктаў, павінна быць разумным».
У кампаніі адзначылі, што на ўпакоўцы пазначаны падрабязны склад прадукту, што дазваляе пакупнікам зрабіць усвядомлены выбар.
Цяпер чытаюць
«Беларуская Барбі» Кацярына Коба выйшла замуж у Швейцарыі. Імаверна, за таямнічага расійскага мультымільянера3
Каментары
И да,лакомитесь не теряя головы.