Коўл пра перамовы з Лукашэнкам: Гаварылі пра будучыню і пра тое, як нармалізаваць адносіны
Паводле слоў Джона Коўла, перамовы з Аляксандрам Лукашэнкам былі вельмі прадуктыўнымі, піша БелТА
«Мы гаварылі пра вайну паміж Украінай і Расіяй, пра Венесуэлу. Прэзідэнт Лукашэнка згадаў шмат людзей і шмат рэчаў. У нас была вельмі добрая размова. Мы гаварылі пра будучыню. Пра тое, як рухацца шляхам збліжэння ЗША і Беларусі, каб нармалізаваць адносіны. Гэта наша мэта», — сказаў прадстаўнік ЗША.
Адказваючы на пытанне, што неабходна рабіць для далейшай нармалізацыі адносін, Джон Коўл адзначыў: «Менавіта тое, што мы ўжо робім. Мы здымаем санкцыі, вызваляем зняволеных. Мы пастаянна размаўляем адно з адным».
«Па меры таго, як мы становімся ўсё бліжэй і бліжэй, больш размаўляем, абменьваемся ідэямі, можна сказаць, ідзе працэс пераходу ад першых, дзіцячых крокаў да ўжо больш упэўненых крокаў», — заявіў прадстаўнік ЗША.
Каментары