Зяленскі дапусціў, што Трамп можа прыехаць ва Украіну для падтрымкі плана мірнага пагаднення
Прэзідэнт Украіны Уладзімір Зяленскі дапусціў магчымасць візіту Дональда Трампа ў Кіеў. У эксклюзіўным інтэрв’ю выданню Axios ён адзначыў, што амерыканскі лідар мог бы асабіста расказаць пра дэталі мірнага пагаднення ўкраінскаму народу перад магчымым рэферэндумам.
Зяленскі пацвердзіў, што дарадцы Трампа — Стыў Уіткаф і Джарэд Кушнер — ужо гатовыя наведаць Украіну. Аднак ён выказаў думку, што візіт самога прэзідэнта ЗША быў бы найлепшым спосабам пераканаць грамадства ў надзейнасці дамоўленасцяў.
Зяленскі папярэдзіў: калі такі візіт ці агітацыя перад рэферэндумам будуць праходзіць пад агнём, яны не будуць мець поспеху. «Людзі будуць бачыць не абяцанні, а ракеты», — падкрэсліў ён, намагаючы на абавязковым спыненні агню мінімум на 60 дзён.
Магчыма, пытанне візіту Трампа ў Кіеў стане адной з тэм абмеркавання на іх сустрэчы ў рэзідэнцыі Мар-а-Лага ў нядзелю, 28 снежня.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары