«Ааааа! Пайшоў на х#р!» Беларус у Бразіліі сустрэўся з ягуарам і стаў мясцовай зоркай
Беларус Сяргей Бузо з пачатку 2021 года падарожнічае на ровары па Бразіліі. Цяпер ён у паездцы па апошніх пяці штатах у Амазоніі.
Там ён і сустрэўся з ягуарам на шашы BR-319. Інцыдэнт ён зняў на відэа, якое стала вірусным у Бразіліі, піша Reform.news.
Пра Сяргея часта пішуць беларускія медыя. Гэта не першае яго падарожжа на ровары — у 2018‑м ён ужо праехаў усю Японію.
Нядаўна, калі беларус ехаў па шашы BR-319 у глыбіні Амазоніі, яму насустрач выскачыў ягуар і пачаў яго пераследаваць.
На кадрах відаць, што Серж не запанікаваў, а паспрабаваў адпудзіць звера крыкам і характэрнымі мацернымі фразамі. У руках у яго быў велізарны цесак. Але ягуара гэта не спыніла, і драпежная жывёліна накіравалася ў бок падарожніка. Сержу давялося ратавацца ўцёкамі на ровары. Увесь гэты час ён вёў здымку.
Свае прыгоды ён выклаў у блогу ў Instagram і забяспечыў каментарыем на партугальскай.
Мясцовыя СМІ звярнулі ўвагу на інцыдэнт. У сваіх матэрыялах медыя называлі Сяргея «рускім», але бела-чырвона-белы сцяжок на ровары не пакідае сумневу — на кадрах беларус.
Увага, ненарматыўная лексіка.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары